اسلام آباد : وفاقی وزیرخواجہ آصف تحفے میں ملنے والی دو بیڈ شیٹس مفت میں لے گئے جبکہ 2014 میں ملنے والی 3 لاکھ 10 ہزار کی گھڑی 60 ہزار میں لی۔
تفصیلات کے مطابق وفاقی وزیر خواجہ آصف نے توشہ خانہ سے بیڈ شیٹس بھی نہ چھوڑیں ، خواجہ آصف 7 اکتوبر 2013 کو ملنے والی 2 بیڈ شیٹس مفت میں لے گئے۔
اس کے علاوہ عمران خان کو گھڑی چور کا طعنہ دینے والوں نے خود بھی گھڑیوں پر ہاتھ صاف کیے، خواجہ آصف 30 اپریل 2014 کوملنے والی 3 لاکھ 10 ہزار کی گھڑی 60 ہزار میں لے گئے جبکہ 31 مارچ 2017 کو ملنے والی 3 لاکھ 25ہزار کی گھڑی 63 ہزار روپے میں لی۔
اس کے ساتھ شزا فاطمہ خواجہ 2 فارسی دھاتی دسترخوان توشہ خانہ سے مفت لے گئیں۔
دوسری جانب وزیراطلاعات مریم اورنگزیب کو بھی رواں سال فروری میں قیمتی رولیکس گھڑی کاتحفہ مل چکا ہے۔
جیونیوز کے ڈائریکٹر رانا جواد نے بھی ایک لاکھ 10ہزارکی گھڑی 20ہزار میں توشہ خانہ سے لی۔
