اسلام آباد : وفاقی وزیر مذہبی امور سینیٹر محمد طلحہ محمود کا کہنا ہے کہ جن حجاج کے پاس تربیتی سرٹیفکیٹ نہیں ہوگا ان کو سفر کرنے کی اجازت نہیں ہوگی۔
تفصیلات کے مطابق وفاقی وزیر مذہبی امور سینیٹر محمد طلحہ محمود کا حاجی کیمپ کادورہ کیا اور حجاج کرام سے ملاقاتیں کیں۔
وفاقی وزیر مذہبی امور سینیٹر طلحہ محمود نے حاجی کیمپ میں حجاج کی تربیتی نشست سے خطاب کرتے ہوئے کہا کہ وزارت مذہبی امور حجاج کرام کی خدمات کیلئے کوشاں ہے، حجاج کرام کو ہر ممکن سہولیات فراہم کی جائے گی۔
- Advertisement -
سینیٹر طلحہ محمود کا کہنا تھا کہ حجاج کرام کو سفر سے پہلے حج سے متعلق تربیتی نشستیں لازم ہے، جن حجاج کے پاس تربیتی سرٹیفکیٹ نہیں ہوگا ان کو سفر کرنے کی اجازت نہیں ہوگی۔
گروپ لیڈران سے رابطے میں رہنا ہوگا، حجاج کرام کیلئے ٹریننگ بہت ضروری ہے، تا کہ ان کو کوئی پریشانی نہ ہوں۔
