وزیراعلیٰ پنجاب پرویز الٰہی نے ہیلتھ کارڈ کے واجبات کی ادائیگی کیلئے وزیراعظم کو خط لکھ دیا۔
تفصیلات کے مطابق وزیراعلیٰ کی زیرصدارت ہونے والے اجلاس میں پرویزالٰہی نے کہا ہے کہ وفاقی حکومت نے ہیلتھ کارڈ کی مد میں ساڑھے7 ارب ادا کرنے ہیں جب کہ پنجاب نےہیلتھ کارڈکےواجبات کی مد میں 100 فیصد ادائیگی کردی۔
پرویزالٰہی نے کہا کہ وفاق نے عوام کی فلاح وبہبود کے منصوبےکیلئے ایک روپیہ نہیں دیا پنجاب حکومت ہیلتھ کارڈ پر علاج کیلئے سہولت فراہم کر رہی ہے ہیلتھ کارڈ عمران خان کا فلیگ شپ تاریخی پروگرام ہے۔
- Advertisement -
وزیراعلیٰ کا کہنا تھا کہ ہیلتھ کارڈ سے پنجاب کے تمام شہری جب اورجہاں چاہیں علاج کرا سکتے ہیں پنجاب کی تمام آبادی کو بلاامتیاز ہیلتھ کوریج فراہم کی جارہی ہے۔
