شوہر کی موت‘ خاتون اینکر نے سب کو حیران کردیا Female News Anchor
The news is by your side.

Advertisement

اپنے ہی شوہر کی موت، خاتون نیوز اینکر نے ضبط کی انتہاء کردی

نئی دہلی: خاتون نیوز کاسٹر نے اپنے شوہر کی موت کی خبر کمال ضبط کے ساتھ پڑھ کر سب کو حیران کردیا۔

تفصیلات کے مطابق بھارتی ریاست چھتیس گڑھ کے مقامی نیوز چینل کی خاتون نیوز کاسٹر سپریت کور جو گزشتہ 9 سال سے خبریں پڑھنے کا کام سرانجام دے رہی ہیں انہوں نے اپنے شوہر کی موت کی خبر ضبط کے ساتھ پڑھ کر سب کو حیران کردیا۔

سپریت کور کو خبریں پڑھنے کے دوران پروڈیوسر نے آگاہ کیا کہ ایک حادثے کی بریکنگ نیوز پڑھنی ہے اور خبر کی تفصیل کے لیے رپورٹر سے بذریعہ ٹیلی فون بات کرنی ہے۔

خاتون نیوز اینکر نے جب خبر پڑھنا شروع کی تو انہیں اندازہ ہوا کہ جس گاڑی کے حادثے کی خبر وہ پڑھ رہی ہیں اُس میں اُن کے شوہر بھی سوار تھے تاہم انہوں نے کمال مہارت کے خبریں پڑھیں اور ناظرین کو خبر سے آگاہ کیا۔

اسی دوران انہیں رپورٹر نے بتایا کہ گاڑی میں سوار تینوں افراد جاں بحق ہوگئے ہیں تاہم اُن کے نام اور تفصیلات سامنے نہیں آسکیں، خاتون نیوز اینکر نے جذبات کو قابو میں رکھتے ہوئے بریکنگ نیوز ختم کی اور باہر آکر گھر والوں سے اپنے شوہر کی خیریت دریافت کی۔

ویڈیو دیکھیں

اہل خانہ سے رابطے پر علم ہوا کہ اُن کے شوہر کار حادثے میں جاں بحق ہوگئے، یہ خبر سنتے ہی سپریت کا ضبط ٹوٹ گیا اور وہ رونے لگیں۔

خاتون اینکر کے کمال ضبط پر صحافت کے شعبے سے وابستہ افراد نے انہیں بہادر اور حوصلہ مند خاتون قرار دے دیا۔

Comments

comments

یہ بھی پڑھیں