فیصل آباد: آٹھویں جماعت کے 2 طالبعلموں نے مشتعل ہو کر خاتون ٹیچر پر فائرنگ کردی، زخمی استانی کو اسپتال منتقل کردیا گیا۔
تفصیلات کے پولیس نے بتایا کہ مطابق امین پوربنگلہ میں 2 طالبعلموں کی فائرنگ سے خاتون ٹیچر زخمی ہوگئیں، آٹھویں جماعت کے بچوں عون سعید اور داؤد نے خاتون ٹیچر پر فائرنگ کی اور وہاں سے فرار ہوگئے۔
پولیس نے بتایا کہ زخمی خاتون ٹیچر حفظہ کو اسپتال منتقل کردیا گیا ہے، ان کی حالت خطرے سے باہر ہے، زخمی ٹیچر کا بیان قلمبند ہونے پر فائرنگ کی وجہ معلوم ہوسکے گی۔
اس سے قبل پچھلے سال ملتان میں بھی خاتون ٹیچر پرفائرنگ کا واقعہ پیش آیا تھا، ٹیچر کو دن دیہاڑے قتل کردیا گیا تھا، قاتل نے بچوں کے سامنے گولی چلائی اور فرار ہوگیا تھا۔
ملتان کی گلزیب کالونی میں خاتون ٹیچر کو قتل کیا گیا تھا، سی سی ٹی وی میں نامعلوم شخص کو صبح سویرے اسکول جاتے ہوئے خاتون ٹیچر کے پیچھے چلتے دیکھا گیا تھا، ملزم خاتون کے پیچھے چلتا آیا اور سر پر گولی ماردی، جس سے وہ موقع پرہی دم توڑگئی تھیں۔
قاتل نے بچوں کی موجودگی میں گولی چلائی اور لاش کے قریب سے کوئی چیز اٹھائی اور بھاگ گیا، پولیس حکام کا کہنا تھا کہ خاتون اسکول جارہی تھیں، فوٹیج کی مدد سے تفتیش جاری ہے۔
