پاکستان شوبز انڈسٹری کے معروف اداکار فیروز خان نے عمرے کی سعادت حاصل کرلی۔
پاکستانی ڈرامہ انڈسٹری کے معروف اداکار فیروز خان نے فوٹو اور ویڈیو شیئئرنگ ایپ انسٹاگرام پر عمرے کی ادائیگی کے بعد تصویر شیئر کردی۔
اداکار نے حرم شریف سے لی گئی سیلفی مداحوں کے ساتھ شیئر کرتے ہوئے کیپشن میں لکھا کہ ’تم سے کیا مانگوں، تم خود ہی سمجھ لو۔‘
View this post on Instagram
واضح رہے کہ اس سے قبل اداکار فیروز خان نے عمرے کے لیے پاکستان سے سعودی عرب روانہ ہوتے ہوئے سیلفی شیئر کی تھی۔
فیروز خان نے تصویر میں احرام پہنا ہوا تھا اور خوشگوار موڈ میں دکھائی دے رہے تھے۔
اداکار کو مداحوں اور ساتھی اداکاروں کی جانب سے عمرے کی سعادت حاصل کرنے پر مبارک باد دی جارہی ہے اور نیک تمناؤں کا اظہار کیا جارہا ہے۔
یاد رہے کہ رمضان المبارک کے مقدس ماہ میں متعدد شوبز شخصیات اور کھلاڑیوں نے عمرے کی سعادت حاصل کی ہے۔