گوجرانوالہ: ایف آئی اے سائبر کرائم ونگ کی کارروائی، دو ملزمان گرفتار کرلیا
The news is by your side.

Advertisement

گوجرانوالہ: ایف آئی اے سائبر کرائم ونگ کی کارروائی، دو ملزمان گرفتار

گجرانوالہ: ایف آئی اے سائبر کرائم ونگ نے پنجاب میں اہم کارروائی کرتے ہوئے لاٹری کے نام پر جعل سازی کرنے والے دو ملزمان کو گرفتار کرلیا۔

تفصیلات کے مطابق پنجاب کے ضلع گجرانوالہ میں سائبر کرائم ونگ نے لاٹری کے نام پر جعلی سازی کے ذریعے شہریوں سے رقم بٹورنے والے دو ملزمان کو گرفتار کرلیا۔

انچارج سائبر کرائم آصف اقبال کا کہنا ہے کہ گرفتار ملزمان میں محبوب عالم اور مبارک علی شامل ہیں اور ملزمان سادہ لوح شہریوں سے لاٹری کے نام پر بینک کے ذریعے رقوم منتقل کرواتے تھے۔

لاہور میں ایف آئی اے کی کارروائی، سوشل میڈیا پر خاتون کو بلیک میل کرنے والا گرفتار

ان کا مزید کہنا تھا کہ ملزمان کو ڈیجیٹل میڈیا کی مدد سے گرفتار کرکے ملزمان کے خلاف سائبر کرائم ایکٹ کے تحت مقدمہ درج کر لیا گیا ہے۔

خیال رہے کہ رواں سال اگست میں پنجاب کے دارالحکومت میں ایف آئی اے نے اہم کارروائی کرتے ہوئے سوشل میڈیا پر خاتون کو بلیک میل کرنے والے شخص کو گرفتار کیا تھا۔

یاد رہے کہ رواں سال اپریل میں سی آئی اے پولیس نے سوشل میڈیا پر فیک آئی ڈیز بناکر لڑکیوں کو بلیک میل کرنے والے نوجوان کو گجرانوالہ سے گرفتار کیا تھا، ملزم لڑکی بن کر کالج کی لڑکیوں سے دوستی کرنے کے بعد ان کی تصویریں لیکر ان کو بلیک میل کرتا تھا۔

Comments

comments

یہ بھی پڑھیں