پشاور: وفاقی تحقیقاتی ادارے (ایف آئی اے) نے وزیراعظم شہباز شریف کے نام سے جعلی ٹوئٹر اکاؤنٹ چلانے والے شخص کو گرفتار کرلیا ہے۔
وزیراعظم شہباز شریف کے فوکل پرسن برائے ڈیجیٹل میڈیا ابوبکر عمر نے سماجی رابطے کی ویب سائٹ ٹوئٹر پر اظہار خیال کرتے ہوئے بتایا کہ وزیراعظم شہباز شریف کے نام سے جعلی اکاؤنٹ بنانے والے صارف (رمیز راجہ لائیو) کو ٹریس کرکے گرفتار کرلیا گیا ہے۔
انہوں نے کہا کہ ’اختلاف قبول ہے لیکن غلط معلومات نہیں‘، صارف (رمیز راجا لائیو ) وزیراعظم کی شناخت استعمال کرکے عوام کو گمراہ کرنے کی کوشش کررہا تھا۔
ابوبکر کا کہنا تھا کہ ملزم نے جرم کا اعتراف بھی کر لیا ہے ، اس کے خلاف ’پریوینشن آف الیکٹرانک کرائم 2016‘ کی دفعہ 419 اور پاکستان پینل کوڈ کی دفعہ 505 کے تحت مقدمہ درج کرلیا گیا ہے۔
یہ بھی پڑھیں: پاک فوج کے نام سے جعلی اکاؤنٹس چلانے والے پکڑے گئے
Dissent is welcome. Disinformation is not.
Person behind this account (RameezRajaLive) has been traced & apprehended for impersonating the PM & misleading the people.
He confessed it and a case u/s 16, PECA 2016 r/w 419, 505 PPC has been registered.
Law to take its course. pic.twitter.com/7XgPtG52Ol
— Abubakar Umer (@abubakarumer) May 23, 2022
خیال رہے کہ چند روز قبل پاک فوج کے نام سے جعلی اکاؤنٹس چلانے والے افراد کو بھی پکڑا گیا ہے، جعلی ٹوئٹر اکاؤنٹس میجر جنرل فیصل مشتاق، میجر جنرل اصغر کے نام پر بنائے گئے تھے۔ فوجی افسران کے جعلی اکاؤنٹس سے ایک خاص سیاسی بیانیہ بنایا جارہا تھا، جس میں تاثر دیا جارہا تھا کہ فوج میں کسی خاص جماعت کی حمایت کی جارہی ہے۔
