کراچی : ایف آئی اے امیگریشن کے عملے نے جناح انٹرنیشنل ایئرپور ٹ پرکامیاب کارروائی کرتے ہوئے متعدد مقدمات میں ملوث ملزم کو گرفتار کرلیا۔
تفصیلات کے مطابق اس حوالے سے ایف آ ئی اے حکام کا کہنا ہے کہ ملزم اللہ داد سعودی ایئرلائن کی پرواز ایس وی 700کے ذریعے کراچی پہنچا تھا۔
ایف آئی اے کے مطابق گرفتار ملزم اللہ داد قتل کے مقدمے میں تھانہ لکھی گیٹ شکار پور پولیس کو مطلوب تھا، امیگریشن آرائیول اسسٹنٹ ڈائریکٹر مسعود شیخ کے مطابق آئی بی ایم ایس ڈیٹا بیس کٹیگری میں ملزم کا نام بلیک لسٹ میں شامل تھا۔
اللہ داد کیخلاف سال 2017 سے قتل کا مقدمہ درج تھا گرفتار ملزم کو متعلقہ تھانے کے حوالے کردیا گیاہے۔
اس کے علاوہ ایس ایس پی شکار پور نے ایف آئی اے کو خط لکھا ہے کہ ملزم اللہ داد کا پاسپورٹ بلاک کردیا جائے ملزم کیخلاف 2017 میں قتل کی دھمکی، ہنگامہ آرائی، املاک کو نقصان پہنچانا کے تحت مقدمات درج ہیں۔
