بدھ, مئی 22, 2024
اشتہار

مریم نواز سے متعلق ٹویٹر پر غلط معلومات شیئر کرنے فواد چوہدری ایف آئی اے میں طلب

اشتہار

حیرت انگیز

اسلام آباد : وفاقی تحقیقاتی ادارے (ایف آئی اے) نے مریم نواز سے متعلق ٹویٹر پر غلط معلومات شیئر کرنے پر پی ٹی آئی رہنما فواد چوہدری کو 17 مارچ کو طلب کرلیا۔

تفصیلات کے مطابق ایف آئی اے نے مریم نواز سے متعلق غلط معلومات ٹویٹر پر شیئر کرنے سے متعلق شہری راجہ محمد ہارون کی شکایت پر پی ٹی آئی رہنما فواد چوہدری کو نوٹس جاری کردیا۔

نوٹس میں فواد چوہدری کو17مارچ کواسلام آباد کرائم سرکل میں پیش ہونے کی ہدایت کی گَئی ہے۔

- Advertisement -

نوٹس ایف آئی اے سائبر کرائم ونگ اسلام آباد کے سب انسپیکٹرمحمد منیب ظفرکے دستخطوں سے نوٹس جاری کیا گیا۔

شکایت میں کہا گیا ہے کہ فواد چوہدری نے 12 مارچ کی شب نو بجکر بیالیس منٹ پراشتعال انگیزاورجھوٹا ٹویٹ جاری کیا، ٹویٹ سے پرائیویسی کے قانون کی خلاف ورزی کی گئی۔

شہری کا کہنا تھا کہ ٹویٹ کے ذریعے مریم نواز کے خلاف عوام کو بڑھکایا گیا، توشہ خانہ کا ریکارڈ جاری ہوچکا ہے، اس میں مریم نواز کے گھڑی لینے کا کوئی ذکر نہیں۔

دھمکی آمیز اور قانون کے منافی ٹویٹ کرنے پر فواد چوہدری کے خلاف کارروائی کی جائے۔

دوسری جانب رہنما تحریک انصاف فواد چوہدری نے اپنے ٹویٹر پیغام میں کہا کہ مریم نواز کی ٹویٹر پر دھمکی کے گھنٹوں کے اندر ایف آئی اے نے میرے خلاف انکوائری کا آغاز کر دیا، اس ملک میں شہری حقوق مکمل طور پر معطل ہو چکے ہیں۔

فواد چوہدری کا کہنا تھا کہ سپریم کورٹ کی ان ان معاملات پر خاموشی تباہ کن ہے، چیف جسٹس صاحب معاملات پر خاموشی آئین کو معطل کرنے کی منظوری ہوگی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں