کراچی : ایف آئی اے امیگریشن نے خاور مانیکا کو دبئی جاتے ہوئے روک لیا۔
تفصیلات کے مطابق ایف آئی اے کا کہنا ہے کہ خاور مانیکا غیر ملکی ایئر لائن سے دبئی جا رہے تھے، تاہم ان کا نام ایگزٹ کنٹرول لسٹ میں شامل ہونے کی وجہ سے انھیں ملک چھوڑنے سے روکا گیا۔
خاور مانیکا پر اینٹی کرپشن نے مقدمہ درج کرا رکھا ہے، لاہور ایئر پورٹ پر خاور مانیکا کو اینٹی کرپشن ٹیم کے حوالے کیا جائے گا۔
ادھر چیئرمین پی ٹی آئی کو نکاح کیس میں آج عدالت نے طلب کر رکھا ہے، تاہم اٹک جیل انتظامیہ نے چیئرمین پی ٹی آئی کو عدالت میں پیش کرنے سے معذرت کر لی ہے۔
چیئرمین پی ٹی آئی ایف آئی اے کاؤنٹر ٹیررازم ایکٹ کے تحت مقدمے میں قید ہیں، جیل حکام کا کہنا ہے کہ چیئرمین پی ٹی آئی کو جیل سے دوسری جگہ منتقل کرنا سیکیورٹی رسک ہو سکتا ہے، اس لیے آج پیش کرنے سے چھوٹ دی جائے۔
اس سے قبل سپرنٹنڈنٹ اڈیالہ جیل نے اٹک جیل انتظامیہ کو چیئرمین پی ٹی آئی کوآج عدالت میں پیشی کے حوالے سے آگاہ کیا تھا۔
