اسلام آباد : ریاست مخالف مہم اور حساس سرکاری ڈیٹا لیک کرنیوالے ملزم کو بنی گالا سے گرفتار کرلیا گیا۔
تفصیلات کے مطابق ایف آئی اے نے ریاست مخالف مہم ،حساس سرکاری ڈیٹا لیک کرنے والے ملزم کو گرفتار کرلیا ، گرفتار ملزم کی شناخت انس نواز کے نام سے ہوئی ،ایف آئی اے
ترجمان نے بتایا کہ ملزم کو چھاپہ مار کارروائی میں بنی گالا سے گرفتار کیا گیا، ملزم نے پاسپورٹ اینڈ امیگریشن ڈیٹا بیس تک غیرقانونی رسائی حاصل کی جبکہ شہریوں کے ذاتی پاسپورٹس ،اعلیٰ سرکاری شخصیات کی تصاویرشیئر کیں۔
ملزم نے ایکس اکاؤنٹ سےحساس معلومات شیئرکرکے خوف و ہراس پھیلایا تاہم ملزم کیخلاف مقدمہ درج ،سوشل میڈیا اکاؤنٹس اور ڈیجیٹل شواہد پرتحقیقات جاری ہے۔
ریاست مخالف مہم اور حساس سرکاری ڈیٹا لیک کرنیوالے ملزم انس نواز کو عدالت میں پیش کیا گیا ، پراسیکیوٹر نے کہا کہ ملزم سے تفتیش اور ریکوری کرنی ہے،ریمانڈ دیا جائے۔
جوڈیشل مجسٹریٹ عباس شاہ نے ملزم کا4روزہ جسمانی ریمانڈ منظور کر لیا۔
