The news is by your side.

آج مزید 4 ٹیموں کے مستقبل کا فیصلہ ہوگا

قطر میں جاری فیفا ورلڈ کپ کے پری کوارٹر فائنل مرحلے میں کون رسائی حاصل کرے گا آج مزید چار ٹیموں کا فیصلہ ہو جائے گا۔

اے آر وائی نیوز کے مطابق قطر میں دنیا کے سب سے مقبول کھیل فٹبال عالمی کپ کے سنسنی خیز میچز جاری ہیں۔ راؤنڈ میچز اختتام ناک آؤٹ مرحلے میں رسائی کی جنگ آخری مرحلے میں پہنچ گئی ہے۔ پری کوارٹر فائنل مرحلے کے لیے اور کون کون سی ٹیمیں کوالیفائی کریں گی ان میں سے چار کا فیصلہ آج ہوگا۔

آج گروپ ایف میں رات ا8 بجے گزشتہ عالمی کپ کی فائنلسٹ کروشیا کا ٹکراؤ بیلجیئم سے ہوگا۔ کروشیا میچ ڈرا کر کے اگلے مرحلے میں جگہ بنا سکتی ہے جب کہ بیلجیئم کو پر کوارٹر فائنل میں رسائی کے لیے لازمی فتح درکار ہوگی۔

دوسرا میچ مراکش اور کینیڈا کے درمیان ہوگا۔ میچ برابر ہونے کی صورت میں بھی مراکس اگلے مرحلے کا ٹکٹ حاصل کرلے گا۔ تیسرے میچ میں گروپ ای میں جاپان اور اسپین رات 12 بجے مدمقابل آئیں گے۔ اس میچ میں اسپین برابری کا کھیل کھیل کر بھی پری کوارٹر فائنل میں پہنچ جائے گی لیکن جاپان کو اگر اگلے مرحلے میں جانا ہے تو ہر حال میں فتح حاصل کرنا ہوگی۔

آج کا چوتھا اور آخری میچ چار بار کی عالمی چیمپئن جرمنی اور کوسٹاریکا کے مابین ہے۔ شکست یا ڈرا کی صورت میں جرمنی کا ٹورنامنٹ یہیں ختم ہوجائے گا۔

اس سے قبل نیدر لینڈ، سینیگال، برازیل، آسٹریلیا، پرتگال، ارجنٹینا، پولینڈ اور فرانس کی ٹیمیں پری کوارٹر مرحلے کے لیے کوالیفائی کرچکی ہیں۔

فیفا ورلڈ کپ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔

Comments

یہ بھی پڑھیں