The news is by your side.

Advertisement

کون بنے گا ون ڈے کا فاتح؟ قذافی اسٹیڈیم میں آج فیصلہ ہوگا

لاہور: پاکستان اور آسٹریلیا کے درمیان تیسرا ایک روزہ میچ فائنل بن گیا، فاتح ٹیم سیریز کی حقدار بن جائے گی۔

تفصیلات کے مطابق پاکستان اور آسٹریلیا کے درمیان تیسرا اور فیصلہ کن میچ آج لاہور کے قذافی اسٹیڈیم میں کھیلا جائے گا، سیریز 1-1 سے برابر ہے۔

فیصلہ کن میچ ڈے نائٹ ہوگا جو کہ سہہ پہر تین بجے شروع ہوگا۔

واضح رہے کہ پاکستان 20 سال سے آسٹریلیا کے خلاف کوئی ون ڈے سیریز نہیں جیتا ہے۔

یہ بھی پڑھیں: بابر اور امام کی سنچریاں، پاکستان نے آسٹریلیا کو شکست دے دی

واضح رہے کہ دوسرے ایک روزہ میچ میں کپتان بابر اعظم اور اوپننگ بیٹر امام الحق کی سنچریوں کی بدولت قومی ٹیم نے ون ڈے کرکٹ میں ریکارڈ ہدف حاصل کرتے ہوئے آسٹریلیا کو 6 وکٹوں سے ہرایا تھا۔

اس سے قبل پاکستان کی جانب سے حاصل کیا گیا سب سے بڑا ہدف 327 رنز تھا، جو اس نے بنگلا دیش کے خلاف ایشیا کپ کے میچ میں عبور کیا تھا۔

دوسرے ایک روزہ میچ میں پاکستان کرکٹ ٹیم کے بیٹر امام الحق نے انیا ریکارڈ بنایا تھا، جہاں امام الحق 48 ون ڈے اننگز میں 9 سنچریاں بنانے والے پہلے بیٹر بنے تھے۔

اس کے علاوہ پاکستان ٹیم کے کپتان بابر اعظم نے آسٹریلیا کے خلاف سنچری بناکر ایک اور عالمی اعزاز اپنے نام کیا تھا، بابر اعظم ون ڈے کرکٹ میں تیز ترین 15 سنچریاں بنانے والے بیٹر بنے تھے۔

Comments

یہ بھی پڑھیں