تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

چوری یا گمشدہ فون کو تلاش کرنے کا آسان طریقہ جانیے!

موبائل فون کا گم جانا یا چوری ہونا عمومی واقعات میں شامل ہے جس کے بعد اس کا ڈیٹا محفوظ رکھنے یا ڈیلیٹ کرنے کا مسئلہ صارف کو کافی پریشان کردیتا ہے۔

لیکن اب آپ کو اس مسئلہ سے پریشان ہونے کی ضرورت نہیں۔ نہایت آسان طریقے سے نہ صرف آپ اپنے اینڈرائیڈ فون کی لوکیشن معلوم کرسکتے ہیں بلکہ ضرورت کے تحت اس میں موجود ڈیٹا ضائع بھی کرسکتے ہیں۔

اگر آپ فون گھر پر رکھ کر بھول جاتے ہیں تو آپ کسی سے فون کرنے کا کہہ سکتے ہیں تاہم اگر یہ گھر سے باہر کھو گیا ہے یا چوری ہوگیا ہے تو اسے ڈھونڈنے کے لئے تھوڑی زیادہ مدد کی ضرورت پڑسکتی ہے۔

اپنے چوری شدہ یا گم شدہ فون کو کیسے تلاش کریں

ایسا کئی بار ہوتا ہے کہ ہم اپنا فون کھو دیتے ہیں یا ہمارے ہی گھر میں کئی بار ہمیں یاد نہیں رہتا کہ ہم نے اسے آخری بار کہاں رکھا تھا اور کبھی جب ہم کہیں باہر جاتے ہیں تو یہ چوری بھی ہوسکتا ہے۔

اس مسئلے کے حل کیلئے گوگل نے ایک آسان طریقہ پیش کیا ہے جس میں فون کا مالک اپنا اینڈرائڈ فون تلاش کرسکتا ہے اور تمام ڈیٹا کو مٹایا بھی جاسکتا ہے۔ یہ فیچر فائنڈ مائی ڈیوائس کا ہے۔

فائنڈ مائی ڈیوائس

اس آپشن کے استعمال کے لئے کچھ چیزوں کا خیال رکھنا ضروری ہے۔ اس کے لئے آپ کا فون آن ہونا اور گوگل اکاؤنٹ میں سائن ان ہونا ضروری ہے۔ فون کو موبائل ڈیٹا یا وائی فائی سے کنکٹ ہونا چاہئے، لوکیشن آن ہونا ضروری ہے۔ یہ بھی ضروری ہے کہ فائنڈ مائی ڈیوائس آپشن بھی ٹرن آن چاہئے۔

ان اسٹیپس کو فالو کریں

سب سے پہلے "اینڈرائیڈ ڈاٹ کوم سلیش فائنڈ” پر جائیں اور اپنے گوگل اکاؤنٹ میں سائن ان کریں، اگر آپ کے پاس ایک سے زیادہ فون ہیں تو اسکرین کے اوپری حصے میں گمشدہ فون پر کلک کریں۔

اگر آپ کے فون میں ایک سے زیادہ یوزر پروفائل ہیں تو پھر گوگل اکاؤنٹ کے ساتھ سائن ان کریں جو مین پروفائل پر موجود ہوگا، بعد ازاں گمشدہ فون پر نوٹیفکیشن آئے گا۔

گوگل میپ پر آپ کو اپنے فون کے بارے میں معلومات مل جائے گی اور فون کی لوکیشن نظر آئے گی کہ وہ کس مقام پر ہے اور اگر پھر بھی آپ کا فون نہیں مل سکا تو آپ کو اس کی آخری لوکیشن نظر آئے گی۔

فون کی لوکیشن آن ہونے کے بعد آپ کو یہ تین آپشن ملیں گے۔

 پلے ساؤنڈ: آپ 5 منٹ تک اپنے فون کو فل وولیم پر رنگ کرسکتے ہیں، چاہے وہ سائلینٹ ہو یا وائبریٹ پر سیٹ ہو۔

سکیور ڈیوائس: اپنے فون کو پن، پیٹرن یا پاس ورڈ کے ساتھ لاک کریں، اگر آپ کے پاس لاک نہیں ہے تو آپ سیٹ کرسکتے ہیں، آپ کو فون واپس کرنے میں کسی کی مدد کے لئے لاک اسکرین پر پیغام یا فون نمبر بھی شامل کر سکتے ہیں۔

ایریز ڈیوائس: اس سے آپ کے فون پر موجود تمام ڈیٹا کو مستقل طور پر ڈیلیٹ کیا جاسکتا ہے لیکن اس میں ایس ڈی کارڈ کا ڈیٹا برقرار رہ سکتا ہے، اس کے بعد فائنڈ مائی ڈیوائس کا فیچر کام نہیں کرے گا۔

Comments

- Advertisement -