سعودی عرب میں حج 2024 کے لئے دنیا بھر سے عازمین حج کی آمد کا سلسلہ شروع ہوچکا ہے، سعودی حکومت کی جانب سے عازمین حج کو بہترین سہولیات کی فراہمی کے لئے سخت قوانین کا نفاذ کیا گیا ہے۔
سعودی خبر رساں ادارے العربیہ کی رپورٹ کے مطابق سعودی وزارت داخلہ نے بغیر اجازت حج کرنے والے شخص کیلئے گرفتاری اور بھاری جرمانے کا اعلان کیا ہے۔
سعودی وزارت داخلہ کی جانب سے بغیر اجازت حج ضوابط کی خلاف ورزی کرنے والوں پر جرمانے کے لیے عملدرآمد شروع کردیا ہے۔
سعودی وزارت داخلہ کے مطابق دوران حج جعلی حج سرگرمیوں پر سخت کارروائی کا فیصلہ کیا گیا ہے، مقامی اور غیر مقامی دونوں طرح کے افراد کو غیر مجاز طریقے سے حج کرنے پر گرفتار کرکے ایک لاکھ ریال جرمانہ کیا جائے گا۔
سعودی عرب کے بیشتر علاقوں میں بارش کا الرٹ جاری
بیان کے مطابق اگر کوئی بھی شخص (مقامی یا غیر مقامی) بلا اجازت مکہ مکرمہ کے مرکزی علاقے، حرمین حرم مکی، حرمین ٹرین اسٹیشن الرصیفہ اور مرکزی سکیورٹی کنٹرول سینٹر سے ملاتواسے اسے حراست میں لے لیا جائے گا اور بھاری جرمانہ بھی وصول کیا جائے گا۔