The news is by your side.

Advertisement

مولانا صاحب حلقے میں جائیں، سیاسی طور پر ہلکے نہ ہوں

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ مولاناصاحب آپ کی سیاسی جڑیں عوام نے کاٹیں، مولانا صاحب حلقے میں جائیں، سیاسی طور پر ہلکے نہ ہوں۔

تفصیلات کے مطابق معاون خصوصی فردوس عاشق اعون نے ٹویٹر پر اپنے پیغام میں کہا کہ مولانا صاحب آپ خالی ہاتھ اسلام آباد آئے تھے، مولانا صاحب ویسے ہی خالی ہاتھ واپس لوٹ گئے۔

انہوں نے کہا کہ مولانا صاحب آپ کی سیاسی جڑیں عوام نے کاٹیں، آپ جمہوریت سے بدلہ لینے پر تل گئے، قوم نے دیکھ لیا کون اسلام آباد سے چلتا بنا، عوام نے مسترد کر کے ثابت کیا کہ انتہاپسندی کے ساتھ نہیں ہیں۔

فردوس عاشق اعوان نے کہا کہ عوام نے مولانا کے سارے پلان چوپٹ کر دیے، آپ کو پلان ’’ایگزٹ‘‘کا سہارا لینا پڑا، آپ کا روڈز بلاک پلان بھی عوام نے مسترد کر دیا۔

معاون خصوصی برائے اطلاعات نے کہا کہ انا کی رکاوٹیں کھڑی کر کے مولانا اپنا سیاسی مستقبل خراب نہ کریں، مولانا صاحب حلقے میں جائیں، سیاسی طور پر ہلکے نہ ہوں۔

فردوس عاشق اعوان نے مزید کہا کہ مولانا صاحب کو لشکرکشی اورغیر جمہوری ہتھکنڈوں میں ناکامی ہوئی، مولانا صاحب ناکامی کے بعد اپنی خفت مٹانے کی کوشش کر رہے ہیں۔

Comments

comments

یہ بھی پڑھیں