اسلام آباد : معاون خصوصی برائے اطلاعات فردوس عاشق اعوان نے کہا غریبوں کے مال پر سیرسپاٹے کا یوم حساب آن پہنچا ہے، حساب کی باری آئی تو رونا دھونا ختم نہیں ہورہا، حساب دیے بغیر جان چھوٹنے والی نہیں۔
تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا غریبوں کے مال پر سیر سپاٹے کا یوم حساب آن پہنچا ہے، سابق حکمرانوں کےدورے مال مفت دل بے رحم کےمصداق ہیں، اپنی چوّنی نہ خرچ کرنے والوں نے قومی سرمائے سے کروڑوں ٹپ دی، لٹیرےٹپ میں قوم کا مال نہ دیتے تو آج قوم غربت سے ہلکان نہ ہوتی۔
غریبوں کے مال پر سیرسپاٹے کا یوم حساب آن پہنچا ہے۔ سابق حکمرانوں کے غیر ملکی دورے "مال مفت دل بے رحم” کے مصداق ہیں۔اپنی چونی نہ خرچ کرنے والوں نے قوم کے سرمائے سے کروڑوں روپے ٹپ دے دی۔ لٹیرے ٹپ میں قوم کا مال نہ دیتے تو آج قوم غربت سے ہلکان نہ ہوتی۔ pic.twitter.com/nWUAXCK7la
— Firdous Ashiq Awan (@Dr_FirdousPTI) July 10, 2019
فردوس عاشق اعوان کا ایک اور ٹوئٹ میں کہنا تھا سابق حکمران قوم کے مال پر بادشاہ بنے پھرتے تھے، آج لوٹ مار کو بے شرمی سے استحقاق قرار دیتے ہیں، گاڑیاں سرکاری، بیرون ملک ذاتی دورےبھی قوم کی جیب سے کیے۔
انھوں نے مزید کہا حساب کی باری آئی تو رونا دھونا ختم نہیں ہورہا، اب روئیں ناں، حساب دیے بغیر جان چھوٹنے والی نہیں۔
سابق حکمران قوم کے مال پر بادشاہ بنے پھرتے تھے۔ آج اس لوٹ مار کو بے شرمی سے استحقاق قرار دیتے ہیں۔ گاڑیاں سرکاری، بیرون ملک ذاتی دورے بھی قوم کی جیب سے کئے گئے۔ آج حساب کی باری آئی تو رونا دھونا ختم نہیں ہورہا۔ اب روئیں ناں، حساب دیئے بغیر جان چھوٹنے والی نہیں۔ pic.twitter.com/vTGckmmVlH
— Firdous Ashiq Awan (@Dr_FirdousPTI) July 10, 2019