The news is by your side.

Advertisement

بھارت ظلم وجبرسے کشمیریوں کا حق استصواب رائے کچل نہیں سکتا، فردوس عاشق اعوان

اسلام آباد : معاون خصوصی برائے اطلاعات ونشریات فردوس عاشق اعوان کا کہنا ہے کہ حق پرکھڑی قوم کو کوئی بندوق، ظلم اورسازش شکست نہیں دے سکتی۔

تفصیلات کے مطابق معاون خصوصی برائے اطلاعات فردوس عاشق اعوان نے ٹویٹر پر اپنے پیغام میں کہا کہ او آئی سی نے مقبوضہ کشمیر میں کشمیریوں کے حق خودارادیت کی حمایت کی۔

انہوں نے کہا کہ حق خودارادیت کی حمایت ظالم بھارت کی ایک اور شکست ہے، مظلوم کشمیریوں کی پھرحمایت پر او آئی سی کا شکریہ ادا کرتے ہیں۔

فردوس عاشق اعوان نے کہا کہ حمایت نے دنیا کو پھر کشمیریوں کے جمہوری حق کی طرف متوجہ کیا، اوآئی سی کا اظہار یکجہتی دنیا کے لیے فوری مؤثر کردار ادا کرنے کا پیغام ہے۔

معاون خصوصی برائے اطلاعات نے کہا کہ کشمیریوں کا قتل عام مہذب دنیا کا امتحان ہے، بھارت ظلم و جبرسے کشمیریوں کا حق استصواب رائے کچل نہیں سکتا۔

انہوں نے کہا کہ عالمی برادری کو جمہوریت سے اپنی وابستگی کا ثبوت دینا ہوگا، یو این قراردادوں کے مطابق کشمیریوں کی اخلاقی، سفارتی، سیاسی حمایت جاری ہے۔

معاون خصوصی برائے اطلاعات ونشریات فردوس عاشق اعوان نے کہا کہ حق پرکھڑی قوم کوکوئی بندوق ، ظلم اورسازش شکست نہیں دے سکتی۔

Comments

comments

یہ بھی پڑھیں