اسلام آباد : معاون خصوصی برائے اطلاعات ونشریات فردوس عاشق اعوان کا کہنا ہے کہ حق پرکھڑی قوم کو کوئی بندوق، ظلم اورسازش شکست نہیں دے سکتی۔
تفصیلات کے مطابق معاون خصوصی برائے اطلاعات فردوس عاشق اعوان نے ٹویٹر پر اپنے پیغام میں کہا کہ او آئی سی نے مقبوضہ کشمیر میں کشمیریوں کے حق خودارادیت کی حمایت کی۔
انہوں نے کہا کہ حق خودارادیت کی حمایت ظالم بھارت کی ایک اور شکست ہے، مظلوم کشمیریوں کی پھرحمایت پر او آئی سی کا شکریہ ادا کرتے ہیں۔
او آئی سی کا مقبوضہ جموں کشمیر کے عوام کے حق خودارادیت کی حمایت کرنا ظالم اور قانون شکن بھارت کی ایک اور شکست ہے۔ مظلوم کشمیریوں کی حمایت کے اعادہ پر او آئی سی کا شکریہ ادا کرتے ہیں جس نے ایک بار پھر دنیا کو کشمیریوں کے جائز، قانونی اور جمہوری حق کی طرف متوجہ کیا ہے۔
— Dr. Firdous Ashiq Awan (@Dr_FirdousPTI) August 5, 2019
فردوس عاشق اعوان نے کہا کہ حمایت نے دنیا کو پھر کشمیریوں کے جمہوری حق کی طرف متوجہ کیا، اوآئی سی کا اظہار یکجہتی دنیا کے لیے فوری مؤثر کردار ادا کرنے کا پیغام ہے۔
معاون خصوصی برائے اطلاعات نے کہا کہ کشمیریوں کا قتل عام مہذب دنیا کا امتحان ہے، بھارت ظلم و جبرسے کشمیریوں کا حق استصواب رائے کچل نہیں سکتا۔
کشمیریوں کا قتل عام مہذب دنیا کا امتحان ہے۔ بھارت ظلم و جبر سے کشمیریوں کا جمہوری حق استصواب رائے کچل نہیں سکتا۔ کشمیریوں کا ساتھ دے کر عالمی برادری کو جمہوریت سے اپنی وابستگی کا عملی ثابت دینا ہوگا۔
— Dr. Firdous Ashiq Awan (@Dr_FirdousPTI) August 5, 2019
انہوں نے کہا کہ عالمی برادری کو جمہوریت سے اپنی وابستگی کا ثبوت دینا ہوگا، یو این قراردادوں کے مطابق کشمیریوں کی اخلاقی، سفارتی، سیاسی حمایت جاری ہے۔
کشمیریوں کا قتل عام مہذب دنیا کا امتحان ہے۔ بھارت ظلم و جبر سے کشمیریوں کا جمہوری حق استصواب رائے کچل نہیں سکتا۔ کشمیریوں کا ساتھ دے کر عالمی برادری کو جمہوریت سے اپنی وابستگی کا عملی ثابت دینا ہوگا۔
— Dr. Firdous Ashiq Awan (@Dr_FirdousPTI) August 5, 2019
معاون خصوصی برائے اطلاعات ونشریات فردوس عاشق اعوان نے کہا کہ حق پرکھڑی قوم کوکوئی بندوق ، ظلم اورسازش شکست نہیں دے سکتی۔
