کراچی : چیئرمین تحریک انصاف عمران خان کی گرفتاری کیخلاف احتجاج اورجلاؤ گھیراؤ کے مقدمے میں ملوث پی ٹی آئی رہنما فردوس شمیم کو ضمانت پر رہا کردیا گیا۔
تفصیلات کے مطابق سٹی کورٹ میں پی ٹی آئی رہنما فردوس شمیم نقوی اور دیگر کارکنان کے خلاف جلاؤ گھیراؤ، ہنگامہ آرائی اور توڑ پھوڑ کے مقدمے کی سماعت ہوئی جس میں پولیس نے فردوس شمیم کو بھی عدالت کے روبرو پیش کیا۔
پولیس کا مؤقف تھا کہ ملزمان کے خلاف جلاؤ گھیراؤ اور ہنگامہ آرائی کے الزامات ہیں، ملزمان نے کار سرکار میں مداخلت کی اور قومی و نجی املاک کو نقصان پہنچایا۔
اس موقع پر تحریک انصاف کے وکیل نے کہا کہ کارکنان کے خلاف مقدمے میں شامل دفعات قابل ضمانت ہیں، بعد ازاں عدالت نے فردوس شمیم نقوی کی ضمانت منظور کرلی۔
عدالت کا فردوس شمیم نقوی کو5ہزارروپے کے مچلکوں کےعوض رہا کرنے کا حکم دیتے ہوئے کہا کہ ملزم اگر کسی اور مقدمے میں پولیس کو مطلوب نہ ہو تو اسے رہا کردیا جائے۔
