پیر, جولائی 7, 2025
اشتہار

فردوس شمیم نقوی کا وزیراعلیٰ سندھ کوالیکشن لڑنےکاچیلنج

اشتہار

حیرت انگیز

کراچی: سندھ اسمبلی میں اپوزیشن لیڈر فردوس شمیم نقوی نے اپنے مقابل وزیراعلیٰ سندھ سید مراد علی شاہ کو الیکشن لڑنے کا چیلنج دے دیا۔

تفصیلات کے مطابق اسپیکر سندھ اسمبلی آغاسراج درانی کی زیر صدارت ہونے والے اجلاس میں اس وقت ماحول گرم ہوگیا جب اپوزیشن لیڈر نے وزیراعلیٰ سندھ کو الیکشن لڑنے کا چیلنج دے دیا۔

قائد حزب اختلاف فردوس شمیم نے کہا کہ وزیراعلیٰ استعفی دیں اور میرےحلقے میں مجھ سےالیکشن لڑکردکھائیں۔

فردوس شمیم نقوی کے بیان پر ایوان میں شور شرابہ شروع ہوگیا ، حکومتی و اپوزیشن ارکان نے ایک دوسرے پر جملے کسنا شروع کردیے۔

صوبائی وزیر اطلاعات سعید غنی نے اپوزیشن لیڈر کے چیلنج پر ردعمل دیتے ہوئے کہا کہ فردوس شمیم نقوی استعفیٰ دیں میں ان سےالیکشن لڑوں گا۔

ارکان کی جانب سے ایک دوسرے کو چیلنج کرنے پر اسپیکر آغاسراج درانی نے مداخلت کرتے ہوئے کہا کہ آئندہ الیکشن میں دیکھیں گے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں