چین کے شمالی صوبے شنڈونگ میں سرد خانے کی تعمیر کے دوران آگ بھڑک اُٹھی، جس کے باعث 9 مزدور لقمہ اجل بن گئے۔
غیر ملکی ذرائع ابلاغ کے مطابق چین کے شمالی صوبے شنڈونگ میں ‘لانرن’ نامی مقامی کمپنی کے لئے سرد خانے کی تعمیر کے دوران ‘آئسولیشن سامان’ میں خوفناک آگ بھڑک اُٹھی۔
افسوسناک واقعے میں 9 مزدور زندگی کی بازی ہار گئے، پولیس کی جانب سے واقعے کی تحقیقات کا آغاز کردیا گیا ہے۔
اس سے قبل آسٹریلیا کے شہر میلبرن میں نامعلوم افراد نے یہودیوں کی عبادت گاہ کو نذر آتش کردیا، اڈاس اسرائیل نامی سیناگوگ کو اس وقت آگ لگائی گئی جب کچھ افراد اندر عبادت کررہے تھے۔
رپورٹ کے مطابق پولیس کا اس حوالے سے کہنا ہے کہ سیناگوگ کا زیادہ تر حصہ جل کر راکھ ہوگیا ہے، تاہم واقعے میں کسی شخص کو بھی سنگین زخم نہیں آئے۔ عینی شاہد نے دو افراد کو دیکھا تھا جنہوں نے ماسک پہنا ہوا تھا۔
پولیس نے کہا کہ ملزمان کی تلاش کے لیے پیٹرولنگ بڑھا رہے ہیں جبکہ سی سی ٹی وی فوٹیج اور عینی شاہدین کے انٹرویوز کی مدد سے بھی سراغ لگانے کی کوشش کریں گے۔
ڈونلڈ ٹرمپ کا شام میں بشارالاسد حکومت کے خاتمے پر ردعمل
آسٹریلیا کے شہر میلبرن میں میں موجود سیناگوگ کے بورڈ ممبر بینجمن کلین کا اس حوالے سے کہنا تھا کہ آگ لگنے کے وقت کچھ افراد عبادت میں مصروف تھے اور ایک دھماکے دار آواز سنائی دی۔ انہوں نے کہا کہ سیناگوگ کے اندر مائع مواد ڈالا گیا تھا اور آگ لگائی گئی۔
