The news is by your side.

Advertisement

یوکرین میں ’بلی‘ کو بچانے کی ویڈیو وائرل

کیف: یوکرین میں ملبے کے ڈھیر میں دبی بلی کو ریسکیو اہلکاروں نے بچا لیا جس کی ویڈیو سوشل میڈیا پر وائرل ہوگئی۔

غیرملکی خبررساں ادارے کی رپورٹ کے مطابق روس اور یوکرین کی جنگ 22ویں روز میں داخل ہوگئی اور روسی افواج کی بمباری سے جنگ زدہ ملک کے کئی شہر ملبے کا ڈھیر بن گئے ہیں۔

خارکیف میں میزائل حملے کے بعد پالتو بلی اپنے مالکان سے محروم ہوگئی اور ملبے کے ڈھیر میں پھنس گئی۔

یوکرین میں ریسکیو اہلکاروں نے بلی کو مشکل میں دیکھا تو فوری اسے بچانے کا فیصلہ کیا جس کی ویڈیو سوشل میڈیا پر وائرل ہورہی ہے۔

ویڈیو میں دیکھا جاسکتا ہے کہ بلی ملبے کے ڈھیر میں دبی ہوئی ہے اور ریسکیو اہلکار اسے وہاں سے نکالنے کی کوشش کررہے ہیں۔

ریسکیو اہلکار ملبے کے ڈھیر کو ہٹا رہے ہیں تاکہ بلی کو وہاں سے باحفاظت نکالا جاسکے، بعدازاں بلی کو بچا لیا گیا اور اس کا خیال رکھنے کے لیے ایک خاتون کے سپرد کیا گیا، خاتون نے بھی بلی کی دیکھ بھال کرنے کا وعدہ کیا۔

مذکورہ ویڈیو سوشل میڈیا پر تیزی سے وائرل ہوگئی اور اسے اب تک لاکھوں صارفین دیکھ چکے ہیں اور بلی کو بچانے پر ریسکیو اہلکاروں کی تعریف کررہے ہیں۔

Comments

یہ بھی پڑھیں