ٹیکساس: امریکی ریاست ٹیکساس میں فائرنگ کے واقعے میں مرنے والوں کی تعداد سات ہوگئی، سترہ ماہ کی بچی سمیت بائیس افراد زخمی ہیں، جن میں چار کی حالت تشویشناک ہے۔
تفصیلات کے مطابق گذشتہ روز ٹیکساس میں فائرنگ کا واقعہ پیش آیا تھا، پولیس حکام کا کہنا ہے کہ فائرنگ سے ہلاک ہونے والوں کی عمریں پندرہ سے ستاون سال کےدرمیان ہیں۔
پولیس کا یہ بھی کہنا ہے کہ زخمیوں سترہ ماہ کی بچی بھی شامل ہے، جبکہ ہلاک حملہ آور تیس سالہ سفید فام ہے جس کی شناخت تاحال نہیں ہوسکی ہے، زخمیوں میں چار کی حالت تشویشناک بتائی جارہی ہے۔
امریکی ریاست ٹیکساس میں فائرنگ،5 افراد ہلاک
فائرنگ کے واقعے کے بعد ریاست میں سیکیورٹی ہائی الرٹ ہے، جائے وقوعہ پر پولیس نے گشت بڑھا دی ہے۔
خیال رہے کہ اس واقعے کے بعد امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا کہ انہیں ٹیکساس میں ہونے والی فائرنگ کے بارے میں بریفنگ دی گئی ہے۔
ڈونلڈ ٹرمپ نے واقعے پر گہری تشویش کا اظہار کرتے ہوئے کہا کہ قانون نافذ کرنے والے ادارے اپنا کام کررہے ہیں۔
