پاکستانی فلم اور ڈرامہ انڈسٹری کی خوبرو اداکارہ مہوش حیات کی ”مس مارول“ میں کردار کی پہلی جھلک سوشل میڈیا پر وائرل ہوگئی۔
مہوش حیات نے ”مس مارول“ سے ہالی وڈ ڈیبیو کرلیا۔ ڈزنی پلس پر گزشتہ روز نشر کی جانے والی اس سیریز کی تیسری قسط میں مہوش حیات کی انٹری ہوئی ہے۔
وہ کمالہ خان جو کہ سیریز کا مرکزی کردار ہیں، کی دادی عائشہ کا کردار ادا کر رہی ہیں۔
Mehwish Hayat as Aisha #MsMarvel pic.twitter.com/ejfkoodkoZ
— Ms. Marvel UK⚡️ (@MsMarvelUK) June 22, 2022
کچھ روز قبل انسٹاگرام پر مہوش حیات نے ”مس مارول“ کے پریمیئر کی تصاویر اور ویڈیوز شیئر کرتے ہوئے سیریز کا حصہ ہونے کی تصدیق کی تھی۔
مہوش حیات نے سیریز کے پریمیئر کے دوران گفتگو کرتے ہوئے ”مس مارول“ کی تعریب کی تھی۔ انہوں نے کہا تھا کہ پہلی بار ہالی وڈ میں پاکستانی کرداروں اور لہجے کو درست اور مثبت انداز میں پیش کیا جا رہا ہے۔
اداکارہ نے سیریز میں پاکستانی کرداروں کی درست نمائندگی پر بھی ٹیم کی تعریفیں کی تھی۔
Mehwish Hayat talks #MsMarvel and representation! pic.twitter.com/ftpCjcvONT
— Ms. Marvel UK⚡️ (@MsMarvelUK) June 3, 2022
”مس مارول“ ہالی وڈ کی وہ پہلی سیریز ہے جس میں پاکستانی کرداروں کو مثبت روپ میں دکھایا جا رہا ہے۔ سیریز میں کی کہانی ”کمالہ خان“ نامی پاکستانی نژاد نیوجرسی کی لڑکی کے گرد گھومتی ہے جو کہ منفرد صلاحیتوں کی مالک ہوتی ہے۔ یہ پہلا موقع ہے کہ کسی بھی سیریز کی کہانی نہ صرف پاکستانی بلکہ مسلم لڑکی کے گرد گھومے گی۔
سیریز میں کمالہ خان کا کردار پاکستانی نژاد امریکی اداکارہ ایمان ویلانی نے ادا کیا ہے۔ ویب سیریز میں دیگر پاکستانی اداکار نمرہ بچہ، مہوش حیات، فواد خان اور ثمینہ احمد بھی شامل ہیں۔
”مس مارول“ کے پہلے سیزن میں 6 قسطیں ہیں اور اس کی پہلی قسط 8 جون کو ریلیز ہوئی۔ سیریز میں کوک اسٹوڈیو کا گانا ”پیچھے ہٹ“ شامل کیے جانے کی تصدیق کی گئی تھی تاہم اب کہا جا رہا ہے کہ پہلی قسط میں 15 گانوں کو شامل کیا ہے جن میں تین پاکستانی گانے بھی شامل ہیں۔
