امارات فلکیات سوسائٹی کے چیئرمین ابراہیم الجروان نے اپنے بیان میں کہا ہے کہ سعودی عرب میں رمضان کا آغاز ممکنہ طور پر 11مارچ سے ہونے کی توقع ہے جب کہ سعودی عرب میں عید الفطر 10 یا 11 اپریل کو ہوسکتی ہے۔
غیر ملکی ذرائع ابلاغ کے مطابق امارات فلکیات سوسائٹی کے چیئرمین ابراہیم الجروان نے واضح کیا کہ فلکی حساب ایک طرف تاہم رمضان اور شوّال کے چاند کا اعلان سعودی عدالت میں جمع ہونے والی شہادتوں کی بنیاد پر ہی ہوگا۔
ایمریٹس آسٹرونومی سوسائٹی کے بورڈ آف ڈائریکٹرز کے چیئرمین کا اس حوالے سے کہنا ہے کہ سعودی عرب سمیت خلیجی ممالک میں روزے 13 سے 15 گھنٹے کے دورانیے کے ہوں گے۔
ویڈیو: بھارت میں ایک اور تاریخی مسجد شہید
اسی طرح دیگر ممالک میں اپنے اپنے اوقات کار کے تحت روزے کا دورانیہ 12 سے 17 گھنٹے کا ہوگا۔ رمصان المبارک کی ساعتیں جیسے جیسے قریب آرہی ہیں، مسلمانوں میں نیکیوں کو سمیٹنے کے لیے بے تابی بڑھتی جارہی ہے۔
