ڈھاکہ: بھارت کرکٹ ٹیم کے کپتان روہت شرما بنگلہ دیش کے خلاف پہلے ٹیسٹ میچ سے باہر ہوگئے ہیں۔
بھارتی کرکٹ بورڈ کے مطابق روہت شرما انگھوٹھے کی انجری کے باعث بنگلہ دیش کیخلاف پہلے ٹیسٹ میچ سے باہر ہوگئے ہیں ان کی جگہ کے ایل راہول ٹیم کی قیادت کریں گے۔
بھارتی کرکٹ بورڈ نے بتایا کہ فاسٹ بولر محمد شامی اور رویندر جڈیجہ بالترتیب کندھے اور گھٹنے کی انجری کے باعث ٹیسٹ سیریز سے باہر ہوگئے ہیں۔
بورڈ نے روہت شرما کی نجری کی تفصیلات بتاتے ہوئے کہا کہ ’’بھارتی ٹیم کے کپتان روہت شرما انگوٹھے کی چوٹ کے علاج کے لیے ممبئی میں ماہرین کو چیک کروائیں گے‘‘، اس وجہ سے وہ بنگلہ دیش کیخلاف پہلے ٹیسٹ میں موجود نہیں ہوں گے۔
واضح رہے کہ بھارت اور بنگلہ دیش کیخلاف پہلا ٹیسٹ 14 دسمبر سے شروع ہوگا، جبکہ دوسرا ٹیسٹ 22 دسمبر سے کھیلا جائے گا۔
دوسرے ٹیسٹ میں روہت شرما کو شامل کرنے کے لیے بھارت کرکٹ بورڈ بعد میں فیصلہ کرے گا تاہم پہلے ٹیسٹ کے لیے روہت شرما کی جگہ ابھیمنیو ایشورن کو ٹیم میں شامل کیا گیا ہے۔
