The news is by your side.

Advertisement

جمیکا ٹیسٹ، دوسری اننگز میں قومی ٹیم مشکلات کا شکار

جمیکا: پہلے ٹیسٹ میچ کے تیسرے روز ویسٹ انڈیز کے خلاف دوسری اننگز میں قومی ٹیم کی 4 وکٹیں 91 رنز پر گر گئیں۔

تفصیلات کے مطابق پاکستان اور ویسٹ انڈیز کے درمیان جاری پہلے ٹیسٹ میچ کے تیسرے روز کے دوسرے سیشن میں قومی ٹیم مشکلات کا شکار ہوگئی، پاکستان کی 4 وکٹیں 91 رنز پر گر گئیں، پاکستان نے ویسٹ انڈیز کے خلاف 55 رنز کی برتری حاصل کرلی۔

بابر اعظم 18 اور محمد رضوان 14 رنز کے ساتھ کریز پر موجود ہیں۔

اوپنر عمران بٹ بغیر کوئی رن بنائے پویلین لوٹ گئے، عابد علی نے 34 رنز کی اننگز کھیلی، اظہر علی 23 رنز پر کیمار روچ کا نشانہ بنے، فواد عالم بغیر کوئی رن بنائے پویلین لوٹ گئے۔

ویسٹ انڈیز کی جانب سے کیمار روچ اور جیدن سیلز نے دو، دو وکٹیں حاصل کیں۔

اس سے قبل ویسٹ انڈیز کی ٹیم گزشتہ روز کے اسکور 251 رنز میں صرف 2 رنز کا اضافہ کرسکی اور پوری ٹیم 253 رنز بنا کر آؤٹ ہوگئی،میزبان ٹیم نے پہلی اننگز میں پاکستان کےخلاف36 رنز کی برتری حاصل کی۔

ویسٹ انڈیز کی جانب سےکپتان کریگ برتھ ویٹ 97 اور جیسن ہولڈر 58 رنز بناکر نمایاں رہے، روسٹن چیز اور بلیک ووڈ نے بالترتیب 21 اور22 رنز بنائے۔

پاکستان کی جانب سے شاہین آفریدی نے4 اور محمد عباس نے3 کھلاڑیوں کو آؤٹ کیا،فہیم اشرف اور حسن علی نے ایک ، ایک وکٹ حاصل کی۔

Comments

یہ بھی پڑھیں