عام طور پر دیکھا گیا ہے کہ جب کوئی شخص دوسری شادی کرتا ہے تو پہلی بیوی کے لئے یہ انتہائی مشکل مرحلہ ہوتا ہے اور وہ اس پر سخت ناراض ہوتی ہے، مگر کویت میں بیوی نے شوہر کی دوسری شادی پر اسے مہنگی ترین گاڑی تحفے میں دے کر ہر کسی کو ورطہ حیرت میں ڈال دیا ہے۔
غیر ملکی ذرائع ابلاغ کے مطابق سوشل میڈیا پر ایک ویڈیو کلپ وائرل ہوا ہے جس میں دیکھا جاسکتا ہے کہ بیوی نے اپنے شوہر کو دوسری شادی کے موقع پر قیمتی گاڑی تحفے میں دے کر سب کو حیران کردیا ہے۔
اس کا یہ کہنا تھا کہ ”آپ نے میرے ساتھ بیحد اچھا سلوک کیا ہے اور میرے جذبات کا خیال رکھا ہے اور میرے لیے اپنے دل میں ایک کشادہ گھر بنایا ہے، خدا کاشکر ہے۔ اس دن آپکامیرے ساتھ ہونا، میں صرف اتنا کہہ سکتی ہوں کہ خدا آپ کو کامیابی عطا کرے۔
بیوی کی جانب سے اپنائے گئے اس عجیب و غریب رویے کی وجہ سے سوشل میڈیا صارفین میں ایک نئی بحث چھڑ گئی ہے، جب کہ یہ کلپ سوشل میڈیا پر بڑے پیمانے پر وائرل ہو گیا ہے۔
