The news is by your side.

Advertisement

فش پکل یعنی "مچھلی فرائی اچار” بنانے کا طریقہ

یوں تو آپ مچھلی سے بنی ہوئی بے شمار ڈشز سے لطف اندوز ہوئے ہوں گے لیکن آج ہم آپ کو مچھلی سے ہی بنائے جانے والی ایک مزیدار  ڈش بنانے کا طریقہ بتائیں گے جسے سن کر یقیناً آپ کے منہ میں پانی آجائے گا۔

اس ڈش کا نام فش پکل یعنی مچھلی فرائی اچار ہے جیسا کہ نام سے ظاہر ہے کہ اس میں اچار جیسی کھٹاس ہوگی تو مصالحے بھی ایسے ہی استعمال ہوں گے جو مچھلی میں اس کے بہترین ذائقے کے ساتھ ساتھ کھٹاس بھی پیدا کریں۔

اجزاء :

میدہ ۔ کارن فلاور ۔ انڈہ ۔ گرم مصالحے ۔ ادرک ۔ لہسن ۔ لیموں ۔ نمک ۔ چینی گوبھی ، گاجر

فش پکل بنانے کا طریقہ :

بون لیس مچھلی کے پتلے پتلے ٹکڑوں میں مصالحہ لگانے کیلئے میدہ کارن فلاور اور انڈہ ساتھ مکس کرکے رکھ دیں اور تٓھوڑی دیر بعد فرائی پین میں تل کر رکھ لیں۔

اس سے بعد گول والی لال مرچ، لہسن اور ادرک کو اچھی طرح ابال کر اسے مکس کرلیں جس سے کیچپ نما شکل بن جاتی ہے

ریڈ چلی ساس بنانے کا طریقہ

ریڈ چلی ساس بنانے کیلئے پہلے دو کپ پانی لیں اس کے بعد اس میں تھوڑا سا کیچپ ڈالیں اس کے بعد وہ کیچپ نما پیسٹ جو لال مرچ، لہسن اور ادرک کا بنایا تھا ڈال دیں۔

اس کے بعد کالی مرچ، سفید مرچ، لال مرچ، نمک، چینی بند گوبھی اور گاجر کے ٹکڑے، لیموں ڈال دیں چلی ساس کو گاڑھا کرنے کیلئے اس میں کارن فلاور ڈال کر اچھی طرح پکائیں۔

جب ریڈ چلی ساس تیار ہوجائے تو اسے ایک علیحدہ کپ میں نکال کر مچھلی کے ساتھ مہمانوں کے سامنے پیش کریں۔

Comments

یہ بھی پڑھیں