The news is by your side.

پلیٹ میں سرو کی گئی مچھلی کی حملہ کرنے کی کوشش

مچھلی یا دیگر سی فوڈ بعض لوگوں کی پسندیدہ خوراک ہوتی ہے لیکن دنیا کے بعض حصوں میں پوری کی پوری مچھلی اس طرح سرو کی جاتی ہے کہ وہ زندہ ہوتی ہے اور حرکت کر رہی ہوتی ہے۔

ایسی ہی ایک پلیٹ میں سرو کی گئی مچھلی کے ساتھ ایسا واقعہ پیش آیا کہ کھانے اور دیکھنے والے دونوں ہی کراہیت اور خوف میں مبتلا ہوگئے۔

سماجی رابطے کی ویب سائٹ انسٹاگرام پر پوسٹ کی گئی اس ویڈیو میں دیکھا جاسکتا ہے کہ کسی ریستوران میں سرو کی گئی ڈش میں سبزی کے ساتھ دو مچھلیاں بالکل سالم حالت میں موجود ہیں۔

تاہم اگلا ہی لمحہ مزید حیران کن ہے جب کھانے والا چوپ اسٹک سے مچھلی کو ذرا سا ہلاتا ہے، جس کے بعد مچھلی میں حرکت پیدا ہوتی ہے اور وہ منہ کھول کر چوپ اسٹک کا کنارہ منہ میں دبا لیتی ہے۔

اس موقع پر مچھلی کے منہ میں موجود ننھے ننھے دانت بھی دکھائی دیتے ہیں۔

سوشل میڈیا پر اب تک اس ویڈیو کو لاکھوں افراد دیکھ چکے ہیں اور مختلف تبصرے کر رہے ہیں، بعض افراد نے اس پر خوف اور کراہیت کا اظہار کیا ہے جبکہ بعض اس پر بھی مزاحیہ تبصرے کر رہے ہیں۔

Comments

یہ بھی پڑھیں