ریوڈی جینیرو: برازیل کے ماہی گیروں نے تھکاوٹ کے باعث پانی میں ڈوبنے والے بندر کو ریسکیو کرلیا ہے۔
بین الاقوامی میڈیا رپورٹ کے مطابق ماہی گیروں کی جانب سے واقعے کی ویڈیو سوشل میڈیا پر وائرل کردی گئی ہے۔
ویڈیو میں بتایا گیا ہے کہ برازیل کے ماہی گیروں کا ایک گروہ شکار کی غرض سے ریو گرانڈے ڈو سول کے دریائے ٹریس وینڈس میں موجود ہیں کہ اچانک انہیں پانی میں ایک بندر نظر آیا جو کہ تھکاوٹ کے باعث ڈوب رہا تھا۔
ماہی گیروں کی نظر جیسے ہی پانی میں ڈوبنے والے بندر پر پڑی، انہوں نے بلا تاخیر اپنی کشتی اس جانب روانہ کی اور چپو کی مدد سے اسے ریسکیو کیا، بعد ازاں ایک شاخ پر بیٹھنے کا سہارا فراہم کیا، پانی سے نکالنے پر بندر نے ماہی گیروں کو تشکرانہ انداز میں دیکھا اور فوری طور پر جنگل میں غائب ہوگیا، یہ سارا منظر ایک ماہی گیر نے اپنے موبائل فون میں محفوظ کیا۔
یہ بھی پڑھیں: 23 کروڑ روپے سے زائد مالیت کا کبوتر
ماہی گیروں نے اپنی ویڈیو میں بتایا کہ یہ بندر کی معدوم ہوتی نسل سے تعلق رکھتا ہے، جسے بگویو کے نام سے پکارا جاتا ہے، یہ چھوٹی نسل کے بندر ہوتے ہیں۔
