اسلام آباد : بین الاقوامی ریٹنگ ایجنسی فچ نے پاکستان کی مالیاتی ریٹنگ میں بہتری کردی اور کہا پاکستانی کرنسی کی ریٹنگ میں بہتری وجہ آئی ایم ایف کے ساتھ معاہدہ ہے۔
تفصیلات کے مطابق بین الاقوامی ریٹنگ ایجنسی فچ نے پاکستان کی مالیاتی ریٹنگ میں بہتری کردی۔
فچ نے پاکستان کی کرنسی ڈیفالٹ ریٹنگ ٹرپل سی پلس کردی اور کہا کہ اس سے قبل طویل المدتی غیرملکی کرنسی ریٹنگ منفی ٹرپل سی تھی۔
بین الاقوامی ریٹنگ ایجنسی فچ کا کہنا تھا کہ پاکستان کرنسی کی ریٹنگ میں بہتری وجہ آئی ایم ایف کے ساتھ معاہدہ ہے، جولائی میں آئی ایم ایف بورڈ سے اسٹینڈ بائے ارینجمنٹ منظور ہونا ہے۔
اس حوالے سے وزیر خزانہ اسحاق ڈار نے اپنے ٹوئٹ میں لکھا’ پاکستانی معیشت کےلئے ایک اور مثبت خبر، عالمی ریٹنگ ایجنسی فچ نے پاکستانی کی ریٹنگ میں بہتری کردی ہے۔
اسحاق ڈار کا کہنا تھا کہ پاکستان کی ریٹنگ آئی ڈی آر سے ٹرپل سی کردی گئی، وزیراعظم شہباز شریف، اتحادیوں اور پوری قوم کو مبارکباد دیتا ہوں۔
