لاہور: انڈس واٹر ذرائع کا کہنا ہے کہ ملکی آب پاشی نظام میں خامیوں کی وجہ سے وفاقی حکومت نے اس کی مانیٹرنگ کا فیصلہ کیا ہے۔
ذرائع کے مطابق انڈس واٹر کمشنر سید مہر علی شاہ نے سیکریٹری آبپاشی پنجاب سے رابطہ کیا ہے، کمشنر پنجاب بیراجز کا معائنہ کریں گے۔
ذرائع نے بتایا کہ انڈس واٹر کمشنر جنوری کے پہلے ہفتے میں ہیڈ سلیمانکی بیراج کا دورہ کریں گے، جس کا مقصد بیراجز پر پانی کی آمد اور وہاں حالت کا جائزہ لینا ہے۔
انڈس ذرائع کا کہنا ہے کہ ہمارے آب پاشی نظام میں بے شمار خامیاں ہیں، اور وفاقی حکومت نے اس کی مانیٹرنگ کا فیصلہ کر لیا ہے، کمیشن حکام معائنہ کریں گے کہ پانی کے ضیاع و تقسیم کا ڈیٹا کیا ہے۔
دریں اثنا، چاروں صوبوں کے آب پاشی محکموں کو پانی بچانے کی ہدایت بھی کی گئی ہے۔
Comments
- Advertisement -