The news is by your side.

علامہ اقبال ایئر پورٹ پر دھند کا راج : فلائٹ آپریشن جزوی طور پر معطل

لاہور : علامہ اقبال ایئرپورٹ پردھند کے باعث فلائٹ آپریشن جزوی طور پر معطل کر دیا گیا ، بیرون اور اندرون ملک کیلئے آنے جانے والی متعدد پروازیں کو تاخیر جبکہ 6 پروازیں منسوخ ہوئیں۔

تفصیلات کے مطابق لاہورمیں شدید دھند کےباعث حدنگاہ انتہائی کم ہوگئی اور علامہ اقبال ایئرپورٹ پرفضائی آپریشن جزوی طور پر معطل کردیا۔

علامہ اقبال انٹرنیشنل ائیرپورٹ پر بیرون اور اندرون ملک کیلئے آنے جانے والی متعدد پروازیں کو تاخیر جبکہ 6 پروازیں منسوخ ہوئیں۔

پی آئی اے کی دبئی سے آنے والی پرواز کا رخ اسلام آباد موڑ دیا گیا،ترکش ائیر لائن کی استنبول جانے والی پرواز اڑان نہ بھر سکی۔

پی آئی اے کی دبئی جانیوالی پرواز 203 دھند کے باعث اڑان نہ بھر سکی جبکہ اتحاد ائیر لائن کی ابوظہبی سے آنے والی 241 آٹھ گھنٹے اور ائیر بلیو کی جدہ سے آنے والی پرواز 471 پانچ گھنٹے 15 منٹ اور ائیر بلیو کی ابوظہبی سے آنے والی پرواز 431 آٹھ گھنٹے دس منٹ تاخیر کا شکار ہے۔

سعودی ائیر لائن کی جدہ سے آنے والی پرواز 734 چھ گھنٹے، ائیر بلیو کراچی سے آنے والی پرواز 402 اور ائیر بلیو کی ابوظہبی جانیوالی پرواز430 تاخیر کا شکار ہے۔

اتحاد ائئرلائن کی ابوظہبی جانے والی پرواز 242 ، ائیر بلیو کی کراچی جانے والی پرواز 401 ،سعودی ائیر لائن کی جدہ جانے والی پرواز 735 میں بھی تاخیر ہورہی ہے۔

پی آئی اے کی مسقط جانے والی پرواز 229 ، ائیر بلیو کی کراچی جانے والی پرواز 405 ، پی آئی اے کی کراچی جانے والی پرواز 407 ، قطر ائیر ویز کی دوحہ جانے والی پرواز 621 ، ائیر بلیو کی کراچی سے آنے والی پرواز 406 اور سعودی ائیر لائن کی جدہ سے آنے والی پرواز738 منسوخ ہے۔

Comments

یہ بھی پڑھیں