واشنگٹن: امریکی ریاست ٹیکساس میں طوفان ہاروے کی تباہ کاریوں کے بعد امدادی کارروائیاں جاری ہیں۔ طوفان سے ہلاکتوں کی تعداد 47 ہوگئی۔ صدر ڈونلڈ ٹرمپ کانگریس سے 6 ارب ڈالر مدد کی درخواست کریں گے۔
تفصیلات کے مطابق سمندری طوفان ہاروے ٹیکساس سے گزر گیا لیکن اپنے پیچھے بڑے پیمانے پر تباہی و بربادی کی داستان چھوڑ گیا۔
ٹیکساس کا شہر ہیوسٹن ہاروے سے سب زیادہ متاثر ہوا۔ لاکھوں افراد کو محفوظ مقامات پر منتقل کیا گیا۔ امریکی حکام کے مطابق طوفان اور شدید بارشوں سے 1 لاکھ مکانات کو نقصان پہنچا۔
Aerial photos provide a bird’s-eye view of the destruction left behind in Texas by Hurricane #Harvey. https://t.co/xHgvkgt8U5 pic.twitter.com/yt3dUnd4N4
— ABC News (@ABC) September 1, 2017
مختلف علاقوں میں امدادی کارروائیاں جاری ہیں۔ فوج اور پولیس کے اہلکار امدادی کارروائیوں میں حصہ لے رہے ہیں۔ ہیلی کاپٹر اور کشتیوں سے لوگوں کی محفوظ مقامات پر منتقلی جاری ہے۔
Officials and residents have begun to assess #Harvey‘s destruction in Houston as flood waters slowly start to recede https://t.co/afaytGzNlM pic.twitter.com/05TdEVWhyl
— ABC News (@ABC) September 1, 2017
ٹیکساس میں تیل صاف کرنے کی ریفائنریاں بند ہیں جس سے امریکا میں توانائی کی فراہمی معطل ہوگئی ہے۔ ہیوسٹن کے قریب ایک کیمیکل پلانٹ میں دھماکے سے آگ بھی بھڑک اٹھی۔
امریکی صدر ڈونلڈ ٹرمپ ہاروے سے متاثرہ علاقوں کی بحالی کے لیے کانگریس سے 6 ارب ڈالر کی امداد جاری کرنے کی درخواست کریں گے۔
مزید پڑھیں: سیلاب کے بعد ہیوسٹن میں دل دہلا دینے والے مناظر
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
