ملک بھر میں سیلاب نے تباہی مچارکھی ہے جس کے نتیجے میں سینکڑوں افراد جاں بحق اور لاکھوں بے گھر ہوگئے ہیں ایسے میں سیاسی و سماجی جماعتوں کی جانب سے متاثرین کی مدد کے لیے ریلیف کیمپ لگائے گئے ہیں جہاں مخیر حضرات کی جانب سے راشن ودیگر امدادی اشیا فراہم کی جارہی ہیں۔
شوبز ستاروں کی جانب سے بھی مداحوں سے سیلاب متاثرین کی مدد کی اپیل کرتے ہوئے پیغامات شیئر کیے گئے ہیں۔
احسن خان
معروف میزبان و اداکار احسن خان نے اپنے ویڈیو پیغام میں کہا ہے کہ میں تمام لوگوں سے گزارش کرنا چاہوں گا کہ جتنا بھی ہوسکے سب لوگ مل کر یعنی ہم پوری قوم کیونکہ پاکستانی قوم ایک ایسی قوم ہے کہ جب بھی کسی پر کوئی مصیبت آتی ہے تو مدد کے لیے بڑھ چڑھ کر حصّہ لیتی ہے۔
اُنہوں نے کہا کہ ابھی جو لوگ مشکل میں ہیں وہ ہمارے اپنے ہیں اور ہم لوگوں سے جتنا ہوسکے گا ہم اپنی طرف سے سیلاب زدگان کی مدد کی پوری کوشش کریں گے لیکن آپ لوگوں سے بھی اپیل ہے کہ متاثرہ لوگوں کی مدد کرنے میں حصّہ لیں۔
فیصل قریشی
پاکستان شوبز انڈسٹری کے معروف اداکار فیصل قریشی نے ملک میں آئی قدرتی آفت سے متاثرہ لوگوں کی امداد کے بجائے اشیائے ضروریہ کی بڑھتی ہوئی قیمتیں دیکھ کر مایوسی کا اظہار کیا ہے۔
View this post on Instagram
اُنہوں نے اس ویڈیو میں ان لوگوں پر طنز اور مایوسی کا اظہار کیا ہے جو ملک میں آئی قدرتی آفت سے متاثرہ لوگوں کی مدد کرنے کے بجائے ان کے اس مشکل وقت کا فائدہ اٹھا کر امدادی سامان کی قیمتیں بڑھا رہے ہیں۔
فیصل قریشی نے طنزیہ انداز میں کہا کہ ہم بڑے ہی ایماندار اور مدد گار لوگ ہیں۔
حدیقہ کیانی
ممتاز گلوکارہ و اداکارہ حدیقہ کیانی ایک بار پھر سیلاب زدگان کی مدد کے لیے اپنی مدد آپ کے تحت کھڑی ہوگئیں، انہوں نے بلوچستان میں سیلاب سے متاثر ہونے والے افراد کے لیے امدادی کیمپین کا آغاز کیا ہے۔
View this post on Instagram
فرحان سعید
گلوکار و اداکار فرحان سعید نے کہا ہے کہ وہ سیلاب متاثرین کے غم میں برابر کے شریک ہیں پیارے وطن کے لیے دعا ہے۔
My heart goes out to all the flood victims , praying for my beloved Pakistan.
Help, do charity and please encourage family and friends to do the same.
Our people need us! #FloodsInPakistan— Farhan Saeed (@farhan_saeed) August 26, 2022
انہوں نے اپنے مداحوں سے مدد کی اپیل کی اور کہا ہے کہ وہ اپنے حلقہ احباب میں بھی اس پیغام کو پہنچائیں کیونکہ ہمارے ہم وطنوں کو ہماری ضرورت ہے۔
امر خان
اداکارہ امر خان نے کہا کہ اس مشکل وقت میں جب ہزاروں خاندان اس خطرناک سیلاب سے متاثر ہو چکے ہیں ہمیں ان کی مدد کے لیے آگے آنا چاہئے اگر زیادہ کچھ نہیں تو ان کے لیے دعا کریں۔
Ya Allah Reham,Tamam Sailaab Zadgaan ke liye khusoosi https://t.co/Qj5HNHnrmO’s a time of severe crisis as thousands of families are hit by alarming #flood calamity.We all need to help the victims in whatever capacity we can as priority. Ziada kuch nahi tou dua zaroor kijiye!🙏 pic.twitter.com/yJzcR4Zfkh
— Amar khan (@iamamarkhan) August 25, 2022
