فلوریڈا: ایک ایسی دل دہلا دینے والی ویڈیو سامنے آئی ہے جو ہرگز کسی فلمی سین پر مبنی نہیں، بلکہ ایک اصلی فاسٹ اینڈ فیورس سین دکھائی دیتا ہے۔
تفصیلات کے مطابق امریکی ریاست فلوریڈا کے ایک ہائی وے پر نوجوان خاتون سے تیز رفتار کار بے قابو ہو گئی، اور وہ سڑک کے کنارے کھڑے ٹو ٹرک کے ریمپ پر چڑھ دوڑی، اور اگلے لمحے وہ ہوا میں کئی میٹر بلند اڑتی نظر آئی۔
کار ایک 21 سالہ خاتون چلا رہی تھی، جو اس ہولناک حادثے میں خوش قسمتی سے بچ گئی، لیکن اسے شدید زخمی حالت میں اسپتال لے جایا گیا تھا، جہاں اب اس کی حالت سنبھل چکی ہے۔
Bodycam footage captures the moment a distracted driver launched their car off of a parked tow truck on May 24. The Lowndes County Sheriff's Office said the driver, a woman from Tallahassee, Florida, survived the crash with serious injuries. pic.twitter.com/M58B6TrftE
— Law&Crime Network (@LawCrimeNetwork) May 31, 2023
یہ حادثہ جارجیا ہائی وے پر پیش آیا، جب بدھ کو سڑک پر لانڈس کاؤنٹی پولیس کی جانب سے ہائی وے پر جارجیا اسٹیٹ پٹرول کی مدد کی جا رہی تھی، یہاں ہائی وے کو درمیان میں گھاس کا قطعہ بنا کر دو حصوں میں تقسیم کیا گیا ہے، ایک سڑک کے کنارے ٹو ٹرک کھڑا تھا جس کا ریمپ نیچے کیا گیا تھا۔
Wild video shows a car going airborne after the driver went up a tow truck's ramp. The driver survived the crash with serious injuries. pic.twitter.com/0kEkw2Azii
— CBS News (@CBSNews) May 31, 2023
باڈی کیمرہ لگائے ایک نائب شیرف ٹو ٹرک کی سمت چل رہا تھا، جب اچانک ایک بے قابو کار آئی اور ریمپ پر چڑھ دوڑی، کار نے ٹرک کے پچھلے حصے میں لگے بیریئر کو توڑا اور ہوا میں بلند ہو گئی۔
ویڈیو میں دیکھا جا سکتا ہے کہ کار سڑک کنارے ٹوو ٹرک سے ٹکرا کر اڑتی ہوئی کافی دور دوسری گاڑی پر جا گری ہے۔