The news is by your side.

Advertisement

چوری شدہ پستول نے نوجوان کو دوست کا قاتل بنا دیا

فلوریڈا : امریکا میں نوجوان نے چوری شدہ پستول سے اپنے دوست کو گولی مار دی، تین دوست فلیٹ میں ایک میوزک ویڈیو بنا رہے تھے، پولیس نے ملزم کو گرفتار کرلیا۔

امریکی ریاست فلوریڈا کے شہر میامی میں ایک اندوہناک قتل کا واقعہ سامنے آیا ہے جس میں ایک نوجوان نے میوزک ویڈیو کی تیاری کے دوران اپنے دوست کو گولی مار کر ہلاک کردیا۔

غیر ملکی خبر رساں ادارے کے مطابق ملزم جوناتھن بتستا اور برائن میریڈر دونوں کی عمریں18سال ہیں، یہ دونوں 22 اکتوبر کو اپنے تیسرے دوست کے ساتھ میوزک ویڈیو کی تیاری میں مصروف تھے۔

پولیس کے مطابق اپارٹمنٹ میں یہ تینوں نوجوان میوزک ویڈیو بنارہے تھے جب شوٹنگ کے دوران جوناتھن بتستا نے غلطی سے اپنے دوست کو سینے میں گولی مار دی، ملزم کو قتل کے الزام میں گرفتار کرلیا گیا ہے۔

یہ اندوہناک واقعہ 22 اکتوبر کو اس وقت پیش آیا، جوناتھن بتیسا اور اس کا18 سالہ دوست برائن میریڈور شمال مغربی میامی کے ایک کمپلیکس میں مقیم تھے۔

غیر ملکی خبر رساں ادارے کے مطابق واقعے کے بعد جب پولیس اپارٹمنٹ پہنچی تو میریڈور کی لاش پڑی تھی جس نے گولی لگنے کے فوری بعد ہی دم توڑ دیا تھا۔

پولیس نے تحقیقات کے بعد انکشاف کیا ہے کہ واقعے میں استعمال ہونے والی پستول ایک کار سے چوری کی گئی تھی، یہ پستول تیسرے دوست اٹھارہ سالہ آندرس اوٹائزا کے پاس تھی جس نے اپارٹمنٹ کرایہ پر لیا تھا، ملزم بتستا کیخلاف 20 نومبر کو مقدمہ درج کرلیا گیا جسے بعد میں عدالت نے ضمانت پر رہا کردیا۔

Comments

یہ بھی پڑھیں