چیئرمین پاکستان فلور ملز ایسوسی ایشن نے آٹے کی قیمت میں مزید اضافے کا عندیہ دیدیا۔
فلور ملز ایسوسی ایشن سندھ ریجن کے چئیرمین چوہدری عامر نے کہا کہ ہم نہیں چاہتے کہ آٹے کی قیمتوں میں مزید اضافہ ہو، مارکیٹ میں فصل آنے سے قیمت میں کمی آسکتی ہے، لیکن گیپ بڑھنے سے آٹے کی قیمت میں اضافہ ہوگا۔
چوہدری عامر کا کہنا تھا کہ ہمیں گندم بھی امپورٹ کرنی پڑے گی، گندم کے کوٹے میں اتنا بڑا شارٹ فال آچکا ہے، مہنگی گندم خریدیں گے تو آٹامہنگا ہی بیچیں گے۔
انہوں نے کہا کہ ملیں ہماری خالی پڑی ہیں،گندم کا اسٹاک موجود نہیں ہے، حکومت ہٹ دھرمی پر آچکی ہے، حکومت گندم روک رہی ہے جس سے مارکیٹ میں گیپ آئےگا، مارکیٹ میں گیپ بڑھنے سے آٹے کی قیمت میں اضافہ ہوگا۔
Comments
- Advertisement -