تازہ ترین

قومی و صوبائی اسمبلیوں کی 21 نشستوں پر ضمنی الیکشن کیلیے پولنگ ختم

اسلام آباد: قومی اور صوبائی اسمبلیوں کی 21 نشستوں...

پاکستان پر حملہ آور ایک اور افغان دہشت گرد بے نقاب

پاکستان پر حملہ آور 1 اور افغان دہشتگرد بے...

’پاکستان کیلیے آئی ایم ایف اور ورلڈ بینک سے اچھی خبریں آئیں گی‘

امریکا میں پاکستان کے سفیر مسعود خان نے کہا...

پاکستان کے بیلسٹک میزائل پروگرام کے حوالے سے ترجمان دفتر خارجہ کا اہم بیان

اسلام آباد : پاکستان کے بیلسٹک میزائل پروگرام کے...

فلور ملز ایسوسی ایشن کا غیرمعینہ مدت تک ہڑتال جاری رکھنے کا اعلان

کراچی: فلور ملز ایسوسی ایشن نے سندھ میں غیرمعینہ مدت تک ہڑتال جاری رکھنے کا اعلان کردیا ہے۔

اے آر وائی نیوز کے مطابق فلور ملز ایسوسی ایشن کے رہنما چوہدری یوسف کا کہنا ہے کہ شہر میں آٹے کے بحران کی ذمہ دار سندھ حکومت ہوگی گزشتہ رات کراچی، نوابشاہ میں چھ فلور ملز کو ناجائز سیل کیا گیا، ہمیں سستی معیاری گندم دی جائے اور سیل کی گئی فلور ملز کو کھولا جائے۔

انہوں نے کہا کہ اگر مطالبات پورے نہیں کیے گئے تو سندھ بھر میں فلور ملز بند رہیں گی۔

فلور ملز ایسوسی ایشن کے رہنما نے کہا کہ سندھ حکومت کی سرکاری گندم غیر معیاری ہے نہیں خریدیں گے معیاری گندم ملے تو ہم کراچی میں آٹا سستا فراہم کریں گے۔

چوہدری یوسف نے کہا کہ پورے سندھ میں جنوری میں آٹا 95 روپے کلو میں فروخت کیا تھا لیکن حکومت فلور ملز کو کوٹے سے بہت کم مقدار میں گندم دے رہی ہے۔

انہوں نے کہا کہ نئی گندم 120 روپے فی کلو مارکیٹ میں مل رہی ہے جبکہ 10 ماچ تک کوٹہ ختم ہوجائے گا۔

چوہدری یوسف نے کہا کہ حکومتوں نے فلور ملز کا بیڑا غرق کردیا ہے اگر گندم کی کراچی آمد پر پابندی لگائی تو پھر آٹا مزید مہنگا ہوگا، گندم کی نقل و حرکت میں پابندی نہ لگائی تو آٹا سستا فراہم کریں گے۔

Comments

- Advertisement -