بڈاپسٹ: وزیر خارجہ بلاول بھٹو زرداری ایک روزہ دورے پر ہنگری پہنچ گئے، اس سے قبل کسی پاکستانی وزیر خارجہ نے ہنگری کا سرکاری دورہ نہیں کیا۔
تفصیلات کے مطابق وزیر خارجہ پاکستان ہنگری پہنچ گئے، ہنگری میں پاکستان کے سفیر اور ہنگری کے اعلیٰ حکام نے وزیر خارجہ کا استقبال کیا۔
وزیر خارجہ بلاول ہنگری کے ہم منصب سے ملاقات کریں گے، دونوں ہم منصب رہنماؤں کے درمیان ملاقات میں دوطرفہ تعلقات کا جائزہ لیا جائے گا۔
وزرائے خارجہ پاکستان اور ہنگری کے درمیان تعاون کی یاداشتوں پر دستخط کریں گے، بلاول بھٹو ہنگری کے سفیروں کی سالانہ کانفرنس سے بھی خطاب کریں گے۔
Foreign Minister @BBhuttoZardari arrived on a one day visit to Hungary. The FM was received by Amb of #Pakistan Asif Hussain Memon and senior officials of #Hungary. FM will hold bilateral talks with his Hungarian counterpart and sign MOUs during the visit. pic.twitter.com/4ZFVRsqiSC
— Spokesperson 🇵🇰 MoFA (@ForeignOfficePk) February 22, 2023
بلاول بھٹو پاکستان میں کام کرنے والی ہنگری کمپنیوں کے نمائندوں سے بھی ملیں گے، واضح رہے کہ کسی بھی پاکستانی وزیر خارجہ کی جانب سے ہنگری کا یہ پہلا سرکاری دورہ ہے۔