ملتان : وزیرخارجہ شاہ محمود قریشی کا کہنا ہے کہ دہشت گردی کے خاتمے کے لیے صوفی ازم کی تعلیمات پرعمل لازم ہے، ملک کی تقدیر بدلنے کے لیے نظریاتی تعلقات قائم کرنےکی ضرورت ہے۔
تفصیلات کے مطابق ملتان میں وزیر خارجہ شاہ محمود قریشی نے انٹرنیشنل صوفی کانفرنس سے خطاب کرتے ہوئے کہا انٹرنیشنل صوفی کانفرنس میں شرکت کرنے والوں کا شکر گزار ہوں، ہمیں اپنابیانیہ بدلنے کی ضرورت نہیں،دنیاہمیں سمجھ رہی ہے، بی زیڈیو کا شمارپاکستان کی بہترین یونیورسٹیزمیں ہوتا ہے۔
وزیرخارجہ کا کہنا تھا کہ دہشت گردی کے خاتمے کے لیے صوفی ازم کی تعلیمات پرعمل لازم ہے، برصغیرمیں دین کی سربلندی کے لیے صوفی کرام کا کردار اہم رہا، موجودہ وقت میں پاکستان میں اتحاد اور یگانگت کی اشد ضرورت ہے۔
شاہ محمود قریشی نے کہا ہم ایک وفاق ہیں، ملک بھر کے عوام کی بات کرتےہیں ایک کلاس کی نہیں، صوفی کرام کاپیغام معاشرےمیں اتحاد اورامن ہے۔
دورہ چین کے حوالے سے ان کا کہنا تھا کہ حال ہی میں چین کےدورےسےواپس آرہےہیں،سی پیک کابہت ذکرہے، سی پیک گیم چینجرکےساتھ خطےمیں روابط کابھی ایک منصوبہ ہے، سی پیک علاقوں کےانفرااسٹرکچرکوجوڑنےکابھی منصوبہ ہے۔
وزیرخارجہ نے کہا روڈلنگ،ریل لنک،ایئرلنک کےذریعےدوردرازعلاقوں سےجڑرہےہیں، ہم بات کرتےہیں مدینہ کی بغدادکی،زبانیں مختلف ثقافت مختلف ہے، ہمارامذہب ایک ہے، انٹرنیشنل صوفی کانفرنس سے اتحاد کا پیغام جائے گا۔
شاہ محمودقریشی کا کہنا تھا کہ مذہب کاتعلق حکمرانوں سےنہیں ہوتا، وجوہات کانام موقع ہے، بہت کچھ درست کرنےکی ضرورت ہے، ملک کی تقدیر بدلنے کے لیے نظریاتی تعلقات قائم کرنے کی ضرورت ہے۔
انھوں نے مزید کہا کہ اسلام نےتوہمیشہ امن اوربرابری کادرس دیاہےاوردےرہاہے، خانقاہوں میں وہ لوگ بھی آتےہیں جوکلمہ گونہیں۔