دبئی : وزیرخارجہ شاہ محمودقریشی نے یواے ای کے وزیرخارجہ شیخ عبداللہ بن زید النہیان سے ملاقات کی، جس میں باہمی دلچپسی اورتعاون کے اموراورخطے کی صورتحال پرتبادلہ خیال کیا گیا۔
تفصیلات کے مطابق ترجمان دفترخارجہ ڈاکٹر محمد فیصل نے سماجی رابطے کی ویب سائٹ ٹویٹر پر اپنے بیان میں کہا کہ وزیرخارجہ شاہ محمودقریشی کی یواے ای کے وزیرخارجہ شیخ عبداللہ بن زید النہیان سے ملاقات ہوئی ، دونوں وزرا خارجہ نے باہمی دلچپسی اورتعاون کے اموراورخطے کی صورتحال پرتبادلہ خیال کیا۔
#SirBaniYasForum FM Shah Mehmood Qureshi met #UAE FM Shaikh Abdullah bin Zayad Alnahiyan @MOFAUAE. The two FMs discussed bilateral cooperation and regional issues of mutual interest. #ConstructiveEngagement pic.twitter.com/APJlbFvNbZ
— Dr Mohammad Faisal (@ForeignOfficePk) November 17, 2018
یاد رہے گذشتہ روز وزیرخارجہ شاہ محمود قریشی 2 روزہ دورے پرمتحدہ عرب امارات پہنچے تھے جہاں انھوں نےمنعقدہ ’’سربنی یاس فورم ‘‘کے نویں اجلاس میں شرکت کی اور فور م میں شریک رہنماؤں سے ملاقاتیں کی۔
دفتر خارجہ کےترجمان کا کہنا تھا کہ وزیر خارجہ نے فور م میں ملاقاتوں میں خلیجی ممالک کے مابین باہمی تعاون اور امن وامان کی صورتحال پر بات چیت کی۔
FM Shah Mehmood Qureshi is attending #BaniYasForum in #UAE where the changing environment of #MiddleEast and efforts to bring peace in the region are being discussed. FM will apprise the participants on #Pakistan‘s position on ME pic.twitter.com/qPHAY5e4hM
— Dr Mohammad Faisal (@ForeignOfficePk) November 16, 2018
یاد رہے اکتوبر کے آخر میں وزیراعظم عمران خان سے یو اے ای کے وفد نے ملاقات کی تھی ، وفد کی قیادت وزیر مملکت سلطان احمد الجبیر نے کی، اس موقع پر وزیر خارجہ، وزیر خزانہ اور اوور سیز کے وزیر بھی موجود تھے۔
وزیر خارجہ شاہ محمود قریشی کا کہنا تھا کہ متحدہ عرب امارات سے سعودی عرب جیسے پیکج پربات ہوئی ہے، گوادر اور کراچی میں پانی کا بحران حل کرنے پر بات ہوئی ہے، یو اے ای نے اپنے سمندر کے پانی کو قابل استعمال بنایا، یو اے ای کے وفد سے ویزا معاملات بھی آسان بنانے پر مشاورت کی گئی ہے۔
وزیر خارجہ نے کہا تھا کہ پاکستان نے متحدہ عرب امارات کو چاول، پھلوں اور سبزیوں کی برآمدات بڑھانے کے بارے میں بات چیت کی ہے۔ ملاقات میں خوراک کی پروسیسنگ کی صنعت میں مشترکہ تعاون پر بھی غور کیا گیا۔
