لاہور: بارشوں کے باوجود لاہور سمیت پنجاب کے مختلف علاقوں میں شدید دھند پڑنے کا سلسلہ جاری ہے، علامہ اقبال ایئرپورٹ پر پروازوں کا شیڈول بُری طرح متاثر ہوگیا ہے۔
اے آر وائی نیوز کے مطابق علامہ اقبال ایئرپورٹ پر حد نگاہ 800 میٹر سے بھی کم رہ گئی ہے، لاہور سے دوحہ جانے والی پرواز کیو آر621 تاخیر کا شکار ہے،
لاہور سےٹورنٹو جانے والی پروازپی کے789 بھی اپنے مقررہ وقت پر اڑان نہ بھرسکی۔
اسی طرح لاہور سے استنبول جانے والی پرواز ٹی کے715دھند کی وجہ سے تاخیر کا شکار ہے جبکہ لاہور سے راس الخیمہ جانے والی پرواز جی نائن853 کو بھی دھند نے اپنی منزل کی جانب روانہ نہ ہونے دیا۔
اے آر وائی نیوز کے مطابق دوحہ سے لاہور آنے والی پرواز کیوآر620 کو دھند کے باعث تاخیر کا شکار ہے جبکہ استنبول سےلاہور آنے والی پرواز ٹی کے715اور راس الخیمہ سے لاہور آنے والی پرواز جی نائن852 بھی تاخیر کا شکار ہے۔
ایئرپورٹ حکام کے مطابق رات گئے ری شیڈول ہونے والی پروازیں دن میں آپریٹ کی جائیں گی، حکام کی جانب سے مسافروں کو اپنی پرواز سے متعلق معلومات حاصل کرکے ایئرپورٹ آنے کا مشورہ دیا گیا ہے۔
