لاہور: پنجاب میں شدید دھند کے باعث شہر اور گرد و نواح میں حد نگاہ انتہائی کم ہوگئی، مختلف مقامات سے موٹر وے کو بند کردیا گیا۔
اس حوالے سے ترجمان موٹروے پولیس کا کہنا ہے کہ موٹر وے ایم ٹو لاہور سے خانقاہ ڈوگراں تک دھند کی وجہ سے بند کردی گئی ہے۔
موٹر وےایم تھری لاہور سے جڑانوالہ تک۔ موٹر وے ایم فور پنڈی بھٹیاں سے ملتان تک اور موٹر وے ایم فائیو شیرشاہ ملتان سے روہڑی تک دھند کی وجہ سے بند کی گئی ہے۔
ترجمان کے مطابق لاہور سیالکوٹ موٹر وے ایم 11کو بھی دھند کی وجہ سے بند کردیا گیا ہے، ترجمان کا کہنا ہے کہ موٹر ویز کو عوام کی حفاظت اور محفوظ سفر یقینی بنانے کیلئے بند کیا جاتا ہے۔
انہوں نے کہا کہ صبح 10 سے شام 6 بجے تک دھند کے موسم میں بہترین سفری اوقات ہیں، سفر کرنےوالے شہری دھند میں لین ڈسپلن کو یقینی بنائیں۔
موٹروے پولیس نے ڈرائیوز سے اپیل کی ہے کہ تیز رفتاری سے پرہیز کریں اور اگلی گاڑی سے مناسب فاصلہ رکھیں جبکہ معلومات اور مدد کے لیے ہیلپ لائن 130 سے رابطہ کریں۔
