لاہور: پنجاب کے مختلف علاقوں میں شدید دھند کے باعث موٹر وے کو متعدد مقامات پر آمدورفت کے لئے بند کردیا گیا ہے۔
اے آر وائی نیوز کے مطابق موٹروے ایم3 فیض پور سے جڑانوالہ تک دھندکے باعث بند ہے، جبکہ موٹروے ایم 2 لاہور سے ہرن مینار تک دھندکی وجہ سے بند کردی گئی ہے۔
ترجمان موٹروے پولیس کے مطابق موٹروے ایم 3 شدید دھند کے باعث بند کردی گئی ہے، اس کے علاوہ موٹروے ایم 4 فیصل آباد سے پنڈی بھٹیاں تک دھند کی وجہ سے بند کردی گئی ہے۔
ترجمان موٹروے پولیس کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کے جان و مال کا تحفظ ہے، شہریوں سے درخواست ہے کہ دھند کہ اوقات میں غیر ضروری سفر سے گریز کریں۔
رواں مالی سال پیٹرولیم لیوی کی وصولی کا ہدف 800 ارب روپے سے زائد مقرر
اپنا سفر دن کی روشنی میں مکمل کر کے دھند کے آغاز سے پہلے اپنے منزل مقصود تک پہنچ جائیں – گاڑیوں میں فوگ لائٹس کا استعمال کریں، تیز رفتاری سے گریز کریں اور اگلی گاڑی سے مناسب فاصلہ معمول سے زیادہ رکھیں۔
ترجمان موٹروے پولیس نے کہا کہ سفر شروع کرنے سے پہلے موٹروے پولیس ہیلپ لائن 130 یا نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات ضرور حاصل کر لیں۔
