فیفا نے قطر سے مزاکرات کے بعد کہا ہے کہ ورلڈ کپ کے دوران اسٹیڈیم کے قریب جگہوں پر شراب کی فروخت کی اجازت نہیں ہو گی۔
غیر ملکی میڈیا رپورٹ کے مطابق فیفا کی جانب سے اعلان کیا گیا ہے کہ بیس نومبر سے قطر میں شروع ہونے والے ورلڈ کپ کے دوران اسٹیڈیم کے قریب بار پر شراب کی فروخت کی اجازت نہیں ہو گی۔
فٹبال کے عالمی ادار فیفا کی طرف سے یہ اعلان باضابطہ طور پر کیا گیا ہے، فیفا کا یہ اعلان میزبان ملک قطر کے حکام اور فیفا کے درمیان بات چیت کے بعد سامنے آیا ہے۔
قطر حکام سے ملاقات کے بعد یہ فیصلہ کیا گیا ہے کہ ورلڈ کپ کے تماشائیوں کو شراب کی فروخت صرف لائسنسڈ سیلز پوائنٹس سے کی جائے گی، مگر فیفا کے ترجمان کے مطابق اسٹیڈیم سے یہ سیل پوائنٹ ختم کیے جا رہے ہیں۔
واضح رہے کہ ورلڈ کپ کے ایک بڑے اسپانسر کو یہ حقوق دیے گئے تھے کہ وہ تمام آٹھ اسٹیڈیمز میں میچ شروع ہونے سے تین گھنٹے پہلے تک اور ایک گھنٹہ بعد تک شراب فروخت کر سکے گا۔
لیکن یہ فیصلہ فیفا ، قطر کی سپریم کمیٹی اور بڈویزر کے درمیان طویل مذاکرات کے بعد واپس لے لیا گیا ہے۔
اتوار کے روز سے شروع ہونے ورلڈ کپ کو اس بار دیکھنے کے لیے آنے والی بڑی تعداد مشرق وسطیٰ، جنوبی ایشیا سے ہے، جہاں کے کلچر میں شراب کی حیثیت نہیں ہے۔
دوسری جانب یورپی شائقین کی جانب سے یہ رائے بھی سامنے آئی تھی کہ شراب کی موجودگی سے فٹبال کو انجوائے نہیں کیا جا سکے گا۔
