تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ترکی:‌ زمین دھنسنے کا واقعہ، دو خواتین لپیٹ میں‌ آگئیں، ویڈیو وائرل

انقرہ: ترکی کے جنوبی شہر دیار بکر میں فٹ پاتھ پھٹ جانے کا واقعہ پیش آیا جس کی وجہ سے 2 خواتین زمین میں دھنس گئیں، حادثے کی ویڈیو سوشل میڈیا پر وائرل ہوگئی۔

ترک میڈیا کی جانب سے جاری ہونے والی فوٹیج میں دیکھا جاسکتا ہے کہ دو خواتین فٹ پاتھ پر کھڑی تھیں کہ اچانک زمین پھٹی جس کے بعد وہ دونوں اندر گر گئیں۔

زمین دھنسنے کے منظر کو سڑک پر نصب کیمرے کی آنکھ نے محفوظ کرلیا، حادثے کی ویڈیو سوشل میڈیا پر تیزی سے وائرل ہوئی۔

حادثے کے بعد لوگوں کی بڑی تعداد جمع ہوئی اور  گڑھے میں گرنے والی خواتین کو زندہ سلامت نکال لیا گیا، معجزاتی طور پر دونوں کو معمولی خراشیں آئیں۔

ترک میڈیا کے مطابق حادثے سے متاثر ہونے والی خواتین کا نام ڈاکٹر سوشان کودائی اور اوزلام دوئماز ہے، دونوں ایک ساتھ اسپتال میں ملازمت کرتی ہیں اور چھٹی کے بعد اسٹاپ پر کھڑے ہوکر گاڑی کا انتظار کررہی تھیں۔

مقامی انتظامیہ نے دونوں خواتین کو اسپتال منتقل کرنے کے بعد جائے وقوعہ پر پولیس اور دیگر ماہرین کو طلب کیا جس کے دوران یہ بات سامنے آئی کہ جنوبی علاقوں میں ہونے والی حالیہ طوفانی بارشوں کے نتیجے میں یہ حادثہ پیش آیا۔

ابتدائی تحقیقات میں یہ بات سامنے آئی کہ بارش کا پانی کھڑا ہونے کے باعث زیرزمین مٹی سرک گئی اور اس کی وجہ سے سڑک کمزور ہوئی جس کے نتیجے مٰں فٹ پاتھ دھنس گیا۔

Comments

- Advertisement -