پاکستان میں براہ راست غیر ملکی سرمایہ کاری میں گزشتہ ماہ 172 فی صد اضافہ ہوا ہے۔
اسٹیٹ بینک آف پاکستان کے مطابق ایف ڈی آئی 131.9 ملین ڈالر سے بڑھ کر 358.84 ملین ڈالر ہو گئی ہے، گزشتہ ماہ ہونے والا اضافہ ایک سو بہتر فی صد ہے۔
براہ راست غیر ملکی سرمایہ کاری ایس آئی ایف سی کے مینڈیٹ میں شامل ہے، ایس آئی ایف سی کا مقصد ایف ڈی آئی میں اضافہ اور سرمایہ کاروں کا اعتماد بحال کرنا ہے۔
- Advertisement -
اسٹیٹ بینک کا کہنا ہے کہ گزشتہ 51 ماہ میں یہ سب سے بڑی براہ راست غیر ملکی سرمایہ کاری ہے، چین رواں سال 177.37 ملین ڈالر کی ایف ڈی آئی کے ساتھ اب تک سرفہرست ہے۔
ایس بی پی کے مطابق متحدہ عرب امارات 51.93 ملین ڈالر کی براہ راست سرمایہ کاری کے ساتھ دوسرے نمبر پر جب کہ کینیڈا 51.89 ملین ڈالر کی ایف ڈی آئی کے ساتھ اب تک تیسرے نمبر پر ہے۔
